Xəbər Lenti

İnfoqrafika

Arxiv

Yazar

09 Aprel

2021
14:52
Sürücünün döyülərək maşınının əlindən alınması iddiasına - Rəsmi cavab

Daxili İşlər Nazirliyi sosial şəbəkələrdə Göyçayda Yol-Patrul Xidməti əməkdaşlarının sürücünü döyərək maşınını əlindən alması iddiası haqda açıqlama verib. 

DİN-in Mətbuat xidmətinin rəisi, polis polkovniki Ehsan Zahidov “Qafqazinfo”nun sorğusuna cavab olaraq bildirib ki, bununla əlaqədar aparılan araşdırmalarla şikayətçi sürücünün Göyçayın Potu kəndində yaşayan Ramil Yusifov olduğu müəyyən edilib:

“O, bu il aprelin 7-də idarə etdiyi “Nissan Qashqai” markalı avtomobillə Göyçay-Ucar yolunda yol hərəkəti qaydasını pozduğu üçün YPX əməkdaşları tərəfindən saxlanılıb. Sənədləri yoxlanılarkən ondan kəskin spirt qoxusu gəldiyi üçün həkim müayinəsinə aparılıb və onun avtomobili sərxoş vəziyyətdə idarə etməsi məlum olub. Barəsində İnzibati Xətalar Məcəlləsinin 334.1-ci maddəsi ilə protokol tərtib edilib, idarə etdiyi avtomobil isə mühafizə olunan dayanacağa yerləşdirilib. 

Bu proses zamanı sürücüyə qarşı polis tərəfindən hər hansı zor tətbiqi və ya təhqiredici ifadələr işlədilməyib. Sürücü özü də yol verdiyi ciddi xətasını başa düşərək polis əməkdaşlarına qarşı hər hansı müqavimət göstərməyib, etiraz etməyib”. 

DİN-dən bildirilib ki, R. Yusifov bundan əvvəl də 2 dəfə avtomobili sərxoş vəziyyətdə idarə etdiyinə görə saxlanılıb və barəsində qanunvericiliyin tələblərinə uyğun tədbirlər görülüb: “Yol hərəkətinin digər iştirakçıları-sürücülər və piyadalar üçün real təhlükə mənbəyi olan belə bir sürücünü kiminsə müdafiə etməsi, onu zərərçəkmiş kimi təqdim etməsi olduqca təəssüf doğuran haldır”. 

Qeyd edilib ki, həkim müayinəsindən keçərkən sürücüdə hər hansı bir xəsarət izi olmayıb.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Ceyhun Bayramov Türkiyəyə səfərə gedib

17

İyun
14:29
SİYASƏT
225

Sabahın hava proqnozu

17

İyun
13:24
ÖLKƏ
241

Boko-Haram-ın yeni lideri məlum oldu

17

İyun
12:15
DÜNYA
217

Azərbaycan neftinin qiyməti 76 dolları ötüb

17

İyun
10:54
İQTİSADİYYAT
332
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


18-06-2021 03:24





  [email protected]

Valyuta.com

Рейтинг@Mail.ru