Xəbər Lenti

İnfoqrafika

Arxiv

Yazar

01 Sentyabr

2021
15:46
Mola vaksin vurdurmaq üçün getdi, pasport tələb etdilər

Bakı şəhər sakini Eşqin Əliyev vaksin növbəsinə əsasən bu gün "Park Bulvar" ticarət mərkəzində fəaliyyət göstərən səyyar məntəqəyə yaxınlaşsa da, içəri buraxılmayıb. 

İlk doza ilə bağlı müraciət edən şikayətçi "Qafqazinfo"ya bildirib ki, ticarət mərkəzinin əməkdaşları ona mola ancaq COVID-19 pasportu ilə daxil olmağın mümkün olduğunu deyiblər: "Buna görə də məni içəri buraxmadılar. Elədirsə, səyyar məntəqənin molda fəaliyyət göstərməsinin nə mənası var?! Əvvəlcə növbəmə uyğun peyvənd olunmalıyam ki, sonra ticarət mərkəzinə girə bilim”.

Vətəndaşın müraciəti ilə bağlı səyyar tibb məntəqələrinin fəaliyyətinə nəzarət edən TƏBİB-ə sorğu göndərdik. TƏBİB-dən saytımıza bildirilib ki, iri ticarət müəssisələrinə və digər iaşə obyektlərinə girişin qaydaları aidiyyəti qurumlar tərəfindən müəyyən edilir. TƏBİB tərəfindən qeyd olunan ticarət mərkəzlərində ikinci doza peyvəndlərin vurulması davam etdirilir.

Məsələ ilə bağlı Daxili İşlər Nazirliyinə də müraciət etdik. DİN-dən bu məsələnin onların səlahiyyətində olmadığı, prosesin iri ticarət mərkəzləri tərəfindən tənzimlənməli olduğu qeyd edilib.

Problemlə bağlı “Park Bulvar” ticarət mərkəzinin mətbuat xidmətinin rəhbəri Günay Novruzqızı ilə də əlaqə saxladıq. O, da "Qafqazinfo"ya bildirdi ki, iri ticarət müəssisələrinə giriş COVİD pasportu ilə mümkündür: “Səyyar məntəqəmiz Bakı şəhər İcra Hakimiyyəti tərəfindən təşkil olunduğuna görə, onlara müraciət etmişik ki, vaksin randevusu olanların içəriyə girişi ilə bağlı bizə icazə kağızı verilsin. Çünki biz hazırda zəmanət verə bilmərik ki, həmin şəxs peyvənd vurdurduqdan sonra mərkəzin daxilində hərəkət etməyəcək. Əməkdaşlarımızın vətəndaşı mol daxilində izləməsi mümkün deyil. Belə olduğu halda da vətəndaş aidiyyəti qurum tərəfindən yoxlanılıb aşkar edilərsə, şirkətimizə cərimə yazılacaq.

Bakı şəhər İcra Hakimiyyətinin icazə ilə bağlı sənəd verməsini gözləyirik. Onlar şərait yaratmalıdır ki, insanlar gəlib vaksin vurdura bilsinlər. İcazə verilən kimi biz bu barədə məlumat yayacağıq".

Məqalədə : Park Bulvar 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

DİM işçi axtarır, maaş 2500-3700 manatdır

20

Oktyabr
12:57
ELM / TƏHSİL
284

Sabahın hava proqnozu

20

Oktyabr
12:32
ÖLKƏ
160

Azərbaycan nefti bahalaşır

20

Oktyabr
11:45
İQTİSADİYYAT
360

Kabildə güclü partlayış baş verib

20

Oktyabr
11:14
DÜNYA
270

Neftin qiyməti yenidən azalıb

20

Oktyabr
09:46
İQTİSADİYYAT
300

AMB-nin valyuta məzənnələri

20

Oktyabr
09:30
İQTİSADİYYAT
240
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


20-10-2021 21:24





  [email protected]

Valyuta.com

Рейтинг@Mail.ru