Xəbər Lenti

İnfoqrafika

Arxiv

Yazar

07 Aprel

2021
16:24
`Hökm olmadan Nəcməddin Sadıkov haqda xain, agent deyə bilmərik`

“Nəcməddin Sadıkov baş leytenant olandan Qarabağ döyüşlərində iştirak edib. Məhkəmə hökmü olmadan onun haqqında xain, agent olması ilə bağlı heç bir şey deyə bilmərik.

Rövşən Əkbərov döyüşlərin hamısından çıxıb. Nədirsə qərarı dövlət, hakimiyyət verə bilər. Mən həbs olunanlardan təkcə Rövşən Əkbərov haqqında danışa bilərəm, mənim döyüş yoldaşım olub. O kişi döyüşüb, Milli qəhrəman olub. Ədalət naminə danışmaq lazımdır”.  

Bu fikirləri "Müsavat TV"nin canlı efirində deputat Siyavuş Novruzov deyib. 

Onun sözlərinə görə, ordu haqqında hər şeyi danışmaq olmaz. Orada müəyyən çatışmazlıqlar ola bilər: “Mən özüm də Qarabağ müharibəsi veteranıyam. Olub ki, 3 gün helikopter gözləmişik ki, qara çörək gətirsinlər. İndi bir az yağ az olan kimi əsgər anasına zəng edir. Həbs olunanlara gəlincə isə, kimisə həbs edirlərsə, həbs olunmalıdır. Xalqa əziyyət verirsə, xalqı dövlətdən narazı salırsa, bunun başqa yolu yoxdur”. 

S. Novruzov həmçinin hazırda vəzifədə olan nazirlər haqqında da danışıb: “İstənilən nazir haqqında sizə məlumat verə bilərəm ki, hansı yolları keçib. Dövlət vəzifəyə elə-belə təyin eləmir. Məsələn, Vilayət Eyvazov “serjant”lıqdan başlayıb bu rütbəyə çatıb. Gecəsi-gündüzü olmayıb, mübarizə aparıb, indi daxili işlər naziridir. Dövlət Təhlükəsizlik Xidmətinin rəhbəri Əli Nağıyev birinci gündən o sahədə çalışıb. Təmiz adamdır, Birinci və İkinci Qarabağ müharibəsində onun əməyi əvəzolunmazdır. Təhsil naziri oxuyub, güclə pul yığıb xaricdə təhsil alıb.

Tanımadan, bilmədən əgər nazir qoyublarsa onu söymək lazımdır? Elə deyil. Sahil Babayev Milli Məclisdə referentdən başlayıb o vəzifəyə çatıb. Müdafiə naziri addıma-addım, soğan-çörək yeyərək o vəzifəyə çıxıb. Əhmədzadə 30 il su təsərrüfatına baxıb. O bu sahəni əzbər bilir”.

Məqalədə : Siyavuş Novruzov 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Azərbaycan ABŞ-a yeni səfir təyin edib

26

İyul
15:04
SİYASƏT
230

Sabahın hava proqnozu açıqlanıb

26

İyul
13:20
ÖLKƏ
219
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


27-07-2021 02:30





  [email protected]

Valyuta.com

Рейтинг@Mail.ru