Xəbər Lenti

İnfoqrafika

Arxiv

Yazar

29 Avqust

2018
17:31
Azərbaycan İslam Partiyası xalqımızı təbrik etdi

Azərbaycan İslam Partiyasının sədr əvəzi Hacı İlham Əliyev İslam dininin tarixində unudulmaz gün sayılan Qədir-Xum bayramı münasibətilə Azərbaycan xalqını, dünyanın bütün Əhli-beyt (ə) sevərlərini başda zamanın İmamı (ə.f) olmaqla təbrik edib .

Təbrikdə deyilir:

“Əziz həmvətənlərimiz, qardaş və bacılar, müsəlman dünyamızın Əhli-beyt (ə) aşiqləri!

Sizləri Allahın əmri və vəhyi ilə sönməz Vilayət və İmamət günəşinin doğum günü, Qədir-Xum bayramı münasibətilə başda İmam Zaman (ə.f) olmaqla səmimi qəlbdən təbrik edirik. Müqəddəs İslam dininin bütövlüyünü, tamlığını və qiyamətə qədər bəşəriyyəti düzgün istiqamətə yönləndirməyi şərtləndirən Qədir-Xum günü dinimizin ən mühüm və əhəmiyyətli, İslamın özü qədər dəyərli əlamətlərini daşıyan bir bayram, unudulmaz bir gündür. Məhz bu dəyərinə görədir ki, dünyanın həqiqi müsəlmanları hər il Zilhiccə ayının 18-də dünyanın hər yerində bu günü əziz bayram kimi geniş qeyd edirlər.

Qədir-Xum günü Allahın əziz Peyğəmbərimizə (s) nazil etdiyi vəhy sübut etdi ki, bu gün dinin kamilləşdiyi, nemətlərin tamamlandığı, Həzrət Əlinin (ə) Peyğəmbərin davamçısı və xilafətin rəhbəri olduğu gündür. Bu gün həm də kafir və münafiqlərin ümidlərini puç edən, müşrik dəstələrin mənəvi tənəzzülünü göstərən bir gündür. Bu günü inkar edənlər, fitnəkarlar Allahın göndərdiyi və qoruduğu neməti sonadək aradan apara bilməyəcəklər. 

Əziz qardaş və bacılar!

Sizləri bir daha müqəddəs və unudulmaz Qədir-Xum bayramı münasibətilə təbrik edir, Quranı, Əhli-beyti (ə) sizlər üçün ən dəyərli nemət qərar verən Allahdan can sağlığı, bu nemətlərdən heç birinizi uzaq salmamağı diləyirik.

Bayramınız mübarək olsun!”

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Ötən gün yol qəzalarında 3 nəfər ölüb

12

May
12:22
HÜQUQ,HADİSƏ
361

Bu gün Ramazan ayının sonuncu günüdür

12

May
09:53
MƏNƏVİYYAT
501
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


13-05-2021 07:09





  [email protected]

Valyuta.com

Рейтинг@Mail.ru