Xəbər Lenti

İnfoqrafika

Arxiv

Yazar

09 Avqust

2016
14:31
Nazirlik: Qarabağ əlillərinin övladları təhsil haqqı ödəməyəcək

Bu ilin ilk yarısında 223 Qarabağ müharibəsi əlili və şəhid ailəsinə mənzil verilib. Bu barədə Əmək və Əhalinin Sosial Müdafiəsi Nazirliyinin ictimaiyyətlə əlaqələr şöbəsinin rəhbəri Elman Babayev məlumat verib.

Onun sözlərinə görə, Beyləqanda 54 mənzilli yaşayış binası, Abşeronda hazır yaşayış binalarından alınaraq təmir etdirilmiş 53 ədəd mənzil, eləcə də 116 ədəd fərdi yaşayış evi Qarabağ müharibəsi əlilləri və şəhid ailələrinə paylanılıb. İndiyədək nazirliyi tərəfindən 5455 əlil və şəhid ailəsi mənzillə təmin olunub.

“Qarabağ müharibəsi əlillərinə Azərbaycan Respublikası Prezidentinin aylıq təqaüdü verilir. Hazırda Qarabağ müharibəsi əlillərinin böyük əksəriyyəti əmək pensiyası, digərləri isə aylıq sosial müavinətlə təmin olunurlar”, - deyə E.Babayev əlavə edib.

Şəhid ailələrinə isə 220 manat prezident təqaüdü ödənilir.

2016-cı ilin 01 iyul tarixinə olan məlumata əsasən, Əmək və Əhalinin Sosial Müdafiəsi Nazirliyi tərəfindən müharibə əlilləri və şəhid ailələrinin uşaqlarından ibarət 17,9 min nəfərə yaxın uşağa, əmək pensiyası almaq hüququ olmayan 1,8 min nəfərə yaxın şəhid ailəsi üzvünə kommunal, nəqliyyat və digər xidmətlər üçün aylıq sosial müavinət ödənilir.

Qarabağ müharibəsi əlillərinin və şəhid ailələrinin ali təhsil alan övladları da təhsil haqqlarından azad olunublar. Ölkə prezidentinin 18 mart, 2014-cü il tarixli sərəncamı ilə ölkənin ərazi bütövlüyünün, müstəqilliyinin və Konstitusiya quruluşunun müdafiəsi zamanı əlil olanların, hərbi əməliyyatla əlaqədar itkin düşən və məhkəmə tərəfindən ölmüş elan edilən vətəndaşların, şəhid ailələrinin respublikamızın ali təhsil müəssisələrində bakalavriat və magistratura (tibb təhsilində əsas və rezidentura) təhsil səviyyələrində və orta ixtisas təhsili müəssisələrində ödənişli əsaslarla təhsil alan uşaqlarının təhsil müddəti ərzində təhsil haqqının 2014/2015-ci tədris ilindən etibarən Nazirlər Kabinetinin 2010-cu il 25 iyun tarixli 120 nömrəli qərarı ilə təsdiq edilmiş təhsil xərcləri miqdarında dövlət büdcəsinin vəsaiti hesabına ödənilməsinə imkan yaradıb.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Azərbaycan nefti ucuzlaşıb

11

May
10:12
İQTİSADİYYAT
40

Azərbaycana qar yağıb

11

May
09:22
BÖLMƏNİ DÜZ SEÇ!
186

Yoluxanların sayı azaldı

10

May
17:06
ÖLKƏ
402

Prezident Putinlə telefonla danışdı

10

May
15:41
SİYASƏT
454

Xınalığa 2 sm qar yağıb

10

May
12:35
ÖLKƏ
641
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


11-05-2021 10:18





  [email protected]

Valyuta.com

Рейтинг@Mail.ru