Xəbər Lenti

İnfoqrafika

Arxiv

Yazar

01 Mart

2016
15:41
Novruz bayramında əfv olacaq

"İşçi Qrupunun hazırladığı əfv siyahısı Əfv komissiyasına təqdim olunub. Ümid edirik ki, Novruz bayramı ərəfəsində imzalanacaq əfv fərmanında siyahıdakı məhbusların hamısı əfv olunacaq". Bunu hüquq müdafiəçisi, İşçi Qrupunun üzvü  Novella Cəfəroğlu deyib. O, qeyd edib ki, cəmiyyətdə "siyasi məhbus" kimi tanınan bütün şəxslərin adı siyahıda yer alıb. O, yaxın vaxtlarda Əvf Komissiyasının toplanacağını da bildirib. 

"Prezident yanında Əfv Məsələləri Komissiyası fasiləsiz olaraq fəaliyyət göstərir". Bunu isə Komissiyanın yeni seçilmiş üzvü, hüquqşünas Əliməmməd Nuriyev bildirib. O, qeyd edib ki, Komissiyanın katibliyi daimi olaraq işləyir, vətəndaşlardan ərizə və müraciətləri qəbul edir: "Onları müvafiq qaydada məlumat bazasına daxil edir, daha sonra müraciət edən hər bir şəxs barədə məlumatları toplayır. Bu müraciətlər həm Cəzaçəkmə müəssisələrindən, həm Baş Prokurorluqdan, həmçinin Ali Məhkəmədən daxil olur və müvafiq arayış hazırlanır".

Ə.Nuriyev bildirib ki, Əfv Məsələləri Komissiyasının iclasları sədr tərəfindən çağırılır:"Buna qədər katiblik tərəfindən bütün zəruri sənədlər hazırlanaraq sədrə təqdim edilir. 3 gün əvvəldən isə bütün sənədlər komissiya üzvlərinə çatdırılır. İclas günü isə ayrı-ayrı şəxslərin müraciətləri müzakirə olunur. Nəticədə ya şəxsin əfv olunması, ya da əfv olunmaması ilə bağlı tövsiyə barədə qərar qəbul edilir. Hazırlanmış siyahı Azərbaycan prezidentinə təqdim edilir. Siyahıda adı qeyd olunmuş şəxslərin azadlığa çıxması isə birbaşa prezidentin səlahiyyətində olan məsələdir".

Komissiya üzvü Novruz bayramı ərəfəsində sərəncamın imzalanacağını istisna etməyib: "Onu da qeyd edim ki, mənim Komissiyaya üzv seçilməyim mənə, həmçinin vətəndaş cəmiyyətinə prezident tərəfindən göstərilən böyük etimaddır. Mən də bu məsuliyyəti dərk edərək, işimi qurmağa çalışacağam. Həmçinin, Komissiyada görkəmli dövlət və ictimaiyyət xadimləri təmsil olunur. Onların bəziləri uzun müddət Komissiyada fəaliyyət göstərib. İndi mənim əsas işim onların təcrübəsindən yararlanmaqdır. Hələlik Əfv Məsələləri Komissiyasının iclasları keçirilməyib. Lakin iclasların keçiriləcəyi və ölkə başçısı İlham Əliyev tərəfindən Novruz bayramı ərəfəsində sərəncamın veriləcəyi gözlənilir".

Məqalədə : Novruz əfv 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Azərbaycan nefti 68 dollara qədər ucuzlaşıb

08

May
09:30
İQTİSADİYYAT
630

Ölənlərin sayı azaldı

07

May
16:46
ÖLKƏ
822

Xalq şairi Musa Yaqub vəfat edib

07

May
15:37
ÖLKƏ
634
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


09-05-2021 23:44





  [email protected]

Valyuta.com

Рейтинг@Mail.ru