Xəbər Lenti

İnfoqrafika

Arxiv

Yazar

29 May

2019
19:20
731
Zurabişvili leksikonunu yumuşaldıb: `Bu, heç kimə lazım deyil`

Gürcüstan prezidenti Salome Zurabişvili sərhədin mübahisəli məntəqələri ilə Azərbaycanla aparılan danışıqlar ətrafında hay-küy yaradanları tənqid edib.

Xatırladaq ki. dünən ruhanilərdən və ictimaiyyət nümayəndələrindən ibarət bir qrup Azərbaycanla sərhəddə yerləşən mübahisəli Keşikçidağ monastırının yaxınlığında aksiya təşkil edərək, “David Qareci Gürcüstandır” şüarı səsləndiriblər. Bundan əlavə, Gürcüstanın müxalif partiyaları hakimiyyəti ölkənin maraqlarını qoruya bilməməkdə ittiham edirlər.

“Son günlər biz iki dost ölkə arasında komissiya çərçivəsində danışıqlar yolu ilə həll olunan bəzi məsələlər üzrə ajiotaj barədə eşidirik. Bizi başqa yolla aparmaq istəyən artıq keçmişdə qalıb. Qayıtmayacağımız keçmişdə. Bu siyasi manipulyasiyalar hər iki ölkəyə, Qafqazda sülhə, sabitliyə və inkişafa zərər yetirəcək. Bu, heç kimə lazım deyil və biz bunu gözəl anlayırıq, buna görə də, son məqsədə çatmaq üçün birgə mübarizəyə başlamışıq”, - Zurabişvili bildirib.

Bu bəyanatı prezident Azərbaycanın Tbilisidəki səfirliyinin təşkil etdiyi 28 May - Respublika Gününə həsr olunmuş qəbulda verib. Zurabişvili Gürcüstanla Azərbaycanın ümumi inkişaf yolunun vacibliyini vurğulayıb.

O, əmin olduğunu bildirib ki, tərəflər həm Gürcüstan, həm də Azərbaycan üçün məqbul ola biləcək qərar qəbul edə biləcəklər. “Danışıqların bütün gözəlliyi də elə bundadır”, - o qeyd edib.

Prezident bir daha bildirib ki, Gürcüstanla Azərbaycan arasındakı münasibətlər dostluğa və ümumi maraqlara əsaslanır.

Məqalədə : Zurabişvili 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Ötən gün yol qəzalarında 3 nəfər ölüb

22

Avqust
12:40
HÜQUQ,HADİSƏ
29

Azərbaycan nefti bahalaşıb

22

Avqust
12:08
İQTİSADİYYAT
50

DİN sürücülərə müraciət edib

22

Avqust
11:06
HÜQUQ,HADİSƏ
111

Hüseyn Abdullayev şərti cəza ilə azad oluna bilər

22

Avqust
09:30
HÜQUQ,HADİSƏ
142

Tovuzda pensiya kartı ölümə səbəb oldu

22

Avqust
09:12
HÜQUQ,HADİSƏ
154
Mövzu üzrə xəbərlər
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


22-08-2019 12:59



  (+994 55) 786-96-84

  [email protected]

Valyuta.com

Рейтинг@Mail.ru