Şovalyelərin
yaranma tarixi XI əsrə aid edilir. Avropanın
böyük bir yoxsulluq və səfalət içində yaşadığı bir dövrdə Şərqin və əsasən də
Yaxın Şərqdəki müsalmanların rifah və zənginliyi Avropalıları, xüsusən də
kilsəni cəzb etmişdi. Bu cazibə Avropalıları və kilsəni xaç yürüşlərinə sövq
etdi.
1095-ci ilin noyabr ayında, Papa II Urbanın başçılığı
ilə Klermon konsili keçirildi. Bu konsildə xaç yürüşlərinin təməli qoyuldu.
Urbanın məqsədi xristiyanları müsalman türklərə və ərəblərə qarşı hücuma
keçirmək idi və buna da nail oldu. Tarixçilərin də ifadə etdikləri kimi o
dövrdə müsəlmanlar əhli kitaba böyük bir ədalətlə davranırdılar, hər cür
ibadətlərinə də icazə verirdilər. Nəhayət 1096-cı ilin yazında Bizans
imperatoru I Alexsiusun dəstəyi ilə üç böyük qrup Qüdsə yürüş etdilər. 1099-cu
ilin iyul ayında Qüds işğal edildi. Xaçlılar Qüdsdə ağlagəlməz vəhşiliklər
törətdilər. Onlar nəinki müsəlmanları hətta yəhudiləri də qılıncdan
keçirirdilər. Xaçlıların vəhşicəsınə öldürdükləri müsəlmanların sayı təxminən
40 min nəfər təşkil edirdi.
Bu hadisədən 20 il sonra 1118-ci ildə ``Məbədçilər``
və ya ``Məbəd şovalyeləri`` (Templars), tam adı ``İsanın və Süleyman məbədinin
yoxsul şovalyeləri`` adlı təriqət quruldu. Təriqətin qurucuları 9
nəfərdən ibarət idi: Hugues de Payens, Godfrey de st.Omar, Godfrey Poul,
Godfrey Bisd, Payen de Montdidier, Archibald des st.Olman, Andrew de Montbard,
Ronald de Freymond, Guillerme de Type. Bu qurucular Qüds kralı II Baldwinin
hüzuruna gəlib, birinci səlib yürüşündən sonra xristiyanların mallarını və
canlarını qorumaqlarını öz öhdələrinə götürürlər. Kral onlara böyük dəstək
verib, bir zamanlar Süleyman məbədini (Məscidi Aksanı) əhatə edən ərazini
bəxşiş olaraq bağışlayır. Böyük islam komandiri Səlahəddin Eyyubinin Xittin
döyüşündə bu ərazini geri almasına qədər keçən 70 il müddətində ``Məbəd təpəsi``
məbədçilərin mərkəzi oldu.
O dövrdə Qüdsdə
məbədçilərdən başqa da təriqətlər var idi. Böyük bir təşkilat olan st.John
şovalyeləri xeyirli işlər görür, müqəddəs torpaqlardakı xəstələrin və
kasıbların köməyinə çatırdılar. Masonluğun ən tanınmış simalarından biri olan
Albert Pike (1809-1891) ``Morals and Dogma`` (Əxlaq və Doqma) adlı kitabında
şovalyelərin inanc əsaslarını açıq şəkildə göstərir: ``Onlar masonluqla eyni
inanca malikdirlər. Lakin hər ikisi öz mənbələrini Satanizmdən götürüblər.
Şovalyelərin tanrısı Baphometdir. Simvolları da Pentoqramdır. Onların özlərinə
məxsus xüsusi ayinləri vardır. Şovalyelərin əsas məqsədi zənginlik və güc əldə
etmək və bütün dünyada öz hegemonluqlarını yaymaqdır``.
A.Pike ilə İngilis
yazıçıları Christopher Knight və Robert Lomasda eyni görüşdədirlər. Bundan belə
nəticəyə gəlmək olar ki, həqiqətən şovalyelərin satanizmlə sıx əlaqəsi vardır. Onların
hər ikisinin şeytanı tanrı olaraq qəbul etmələri daha məqsədəuyğundur.
Şovalyelərin bu
gün nüfuz dairəsi çox böyük deyil. Onlar Masonluğun tərkibində fəaliyyət
göstərirlər. Demək olar ki, müstəqil şovalye təşkilatı bu gün yoxdur. Lakin
bəzi ölkələrdə, xüsusən də Türkiyədə Konstantinopol şovalyeləri adlı gizli
təşkilat fəaliyyət göstərir.
c) Modern satanizm.
Modern satanizmin
təməllərini XX əsrin əvvəllərində Aleister Crowley qoymuşdur. Caduların
edildiyi, heyvanların öldürüldüyü, uyuşdurucu maddələrin istifadə olunduğu,
qanlı ayinlərlə məhşur olan və satanizmin məxfi düsturlarının anlatıldığı The
Book of Law (Qanun Kitabı) şeytanın yazdırdığını iddia edən Crowleyə görə insan
etmək istədiyi hər şeyin sonunu fikirləşmədən həyata keçirməlidir. Böyük
canavar (The Beast666) ləqəbi ilə tanınan Crowley fəlsəfəsinin təməl nöqtəsini ``nə
istəyirsən, onu et`` düsturu təşkil edir. Onun fikrinə görə insan, fikrindən
keçirdiyi mənfi düşüncələri, onun səbəbi olacaq fəlakətləri, pislikləri düşünmədən
həmin an etməlidir. Cəmiyyətdə sülh və əmin-amanlıq buraxmayacağı açıq bəlli
olan anormal fikirləri Crowley bu ifadə ilə bildirir. ``Mən müqəddəs şeylərə
küfr etməyi, cinayəti, təcavüzü və çevrilişi istəyirəm``.
Crowleydən sonra
XX əsrin 60-cı illərində Amerikanın Kaliforniya əyalətində Anton Szandor Lavey
adlı bir yəhudi modern satanizmin inkişafına imza atdı. A.S.Lavey 11 aprel
1930-cu ildə Şimali Qafqazdan Amerikaya hicrət edən bir mühacir ailəsində
anadan olmuşdur. O, şeytan kilsəsini qurmadan əvvəl sirkdə heyvan tərbiyəçisi,
polis fotoqrafı, kriminal mütəxəssisi və aktyor işləmişdir.
Lavey 30 aprel
1966-cı ildə San-Fransiskoda Şeytan Kilsəsinin açılışını etdi. O, bu kilsədə
seçilmiş, varlı, savadlı insanlardan bir qrup yaratdı. Qrupun əsas məqsədi, müəyyən
mənfi enerji topladıqdan sonra qaranlıq gücləri əldə etmək idi. Və bu gücün adı
şeytandır. Lavey şeytanın səsini eşitdiyini söyləyirdi, amma qızıl qanadlı,
qoşa buynuzlu, uzun dırnaqlı, haça mizraqlı şeytan modelinə qarşı çıxırdı. O,
həqiqi pisliyin insanın iç dünyasında olduğu görüşündəydi. Bunları başa düşmək
üçün əlavə heç bir şeyə gərək yoxdur, sadəcə insanlara baxmaq kifayətdir.
Anton Lavey, ``The
Satanic Bible``(Şeytan incili), ``The Satanic Rituals``(Satanizmin ayinləri), ``The
Satanic Witch``(Satanik cadu), ``Devil's Notebook``(Şeytanın qeyd dəftəri), ``Satan
Speaks``(Şeytan danışır) kitablarının müəllifidir. Onun ``The Satanic Bible``(Şeytan
incili) ən önəmli əsərlərindəndir. Bu əsər satanizm fəlsəfəsi, ideyaları və
hədəfləri haqqında məlumatları özündə cəmləşdirir. Burada şeytan, azadlıq, güc
və qüvvətin yer üzündə ən layiqli təmsilçisi kimi göstərilir. Kilsə və üzvləri
mənəvi güclərini ondan alırlar. Şeytan eyni zamanda intiqam və insanların
işlədikləri bütün günahların çıxış mənbəyi olaraq göstərilir. Üsyan və şəhvət
şeytanda, əsasən də satanizmdə olması gərəkən ən əsas xüsusiyyətdir.
Satanizmin
özünəməxsus teoremləri vardır. Bu teoremlərdən biri din əxlaqına və bu əxlaqa
aid hər bir şeyə qarşı olmasıdır.
Satanistlər
ateistdirlər və onlar hər növ dini dəyərlərlə mübarizə aparırlar. Onların əsas
hədəfi Xristiyan dinidir. Çünki Xristiyanlıqda kilsə hər zaman nüfuzlu olmuş və
satanistlərin açıq fəaliyyətinə mane olmuşdur. Əsrlər boyu saxlanılan
düşmənçilik bu gün də davam etməkdədir. Xristiyanlıq isə həmişə olduğu kimi
irəliləyişin qarşısındakı ən böyük əngəl olaraq qalır. Bu əngəli dəf etmək üçün
dindən uzaqlaşmaq lazımdır.
Anton Laveyin müəyyən etdiyi 11qayda, satanistlərin
gündəlik həyatlarını ifadə etməsi baxımından vacibdir:
1. Səndən
soruşmadıqda heç kimə göstəriş və ya tövsiyyə vermə!
2. Eşidəcəyinə
əmin olmayınca dərdini heç kimə demə!
3. Başqasının
evində ona hörmət eks təqdirdə heç ora getmə!
4. Qarşındakının
istəyi olmadan onunla danışma!
5. Evinizdəki
qonaq sənə pislik edərsə, sən də ona mərhəmətsiz davran!
6. Bir problemi
həll edib, kiminsə dərdinə əlac olmaq kimi hər hansı bir məsuliyyətin xaricində
sizə aid olmayan heç bir işə qarışmayın!
7. Arzularını
həyata keçirə biləcəyi sehr gücünə inan. Onun gücünü qəbul et. Əks təqdirdə
qazandıqlarının hamısını itirə bilərsən!
8. Sizinlə əlaqəsi
olmayan heç bir şeydən şikayət etmə!
9. Uşaqlara zərər
vermə!
10. Sənə zərər vermədikcə heyvanları öldürmə!
11. Açıq bir ərazidə gəzdiyin zaman heç kimi
incitmə. Əgər kimsə səni narahat etsə, bunu ona etməməsini söylə. Əgər
dayanmasa, ona hücum et!
Məşhur Amerikan
ateist filosofu James Whitlock ``Believing in God`` (Allahamı inanırsınız?)
adlı məqaləsində Allahı belə dəyərləndirir; ``Allah faydasından daha çox zərəri
olan bir məfhumdur. Din tərəfdarları öz dinləri uğrunda yüz illərdir
bir-birləriylə müharibə aparmaqdadırlar. Dinlər hər cür faktordan daha çox
insan ölümünə səbəb olmuşdur. Axirətə də inanmıram. Çünki həyatda baş verən
bütün yaxşılıq və pisliklər yalnız bu dünyadadır .İkinci bir dünya yoxdur
.Məncə Amerikanın üçdə biri Allaha inanmır. Yox olmaq istəmədiyimdən ölmək də
istəmirəm. Siz də həyatınızı əyləncə ilə yaşayın, ölüm haqqında fikirləşməyin``.
Satanik incildə satanizmin 3 prinsipi göstərilir:
1. Şeytan
qadağanediciliyi deyil, mərhəmətliyi təmsil edir.
2. Şeytan boş
xəyalların deyil, əsl həqiqətin təmsilçisidir.
3. Şeytan ikiüzlü
hiyləgərliyi deyil, ağıllılığı təmsil edir.
4. Şeytan
nankorlar üçün boş yerə sərf edilən sevgini deyil, haqlılara göstərilən sevgini
təmsil edir.
5. Şeytan
vampirlərə olan sevginin tam bir dəlilik olduğunu bildirir.
6. Şeytan pisliyə
qarşı susmaq əvəzinə intiqamı dəstəkləyir.
7. Şeytan insanın
fiziki, əqli və duyğusal sevincinə, məmnuniyyətinə vəsilə olan günahları təmsil
edir.
8. Satanizmdə
insan da digər dördayaqlı heyvanlardan biridir. Bəzən onlardan daha yaxşı, amma
çox vaxt da onlardan daha pisdir.
9. Şeytan kilsənin
bu vaxta qədər sahib olduğu ən yaxşı dostudur. Çünki kilsə bu vaxta qədər
şeytan sayəsində aktiv qalmışdır.
Satanistdə olması gərəkən xüsusiyyətlər 21 satanik
nöqtədə verilmişdir:
1. Zəiflik və
zorakılığa ehtiram göstərmə. Onlar xəstələri güclü edən vasitələrdir.
2. Gücünü hər
zaman qoru, çünki qalibiyyət gücdədir!
3. Xoşbəxtliyi
zəfərdə axtar, barışda deyil!
4. Az dinləməyi
çox dinləməkdən üstün tut!
5. Sonunu görə
bilmədiyin bir şeyi çox sevmə!
6. Qumda deyil,
qayada bina tik. Sadəcə bu gün və sabah üçün deyil, hər zaman üçün inşa et!
7. Hər zaman daha
çox şey üçün çalış!
8. Boyun
əyməkdənsə, ölməyi üstün tut!
9. Sənət əsərləri
deyil, ölüm üçün qılınclar yarat. Sənətin böyüklüyü bundadır!
10. Özünlə
bacarmağı öyrən, belə olduqda hər bir şeylə bacara bilərsən!
11. Beyinlərində
ən yüksək fikir qura bilənlər, daha irəlini görə bilərlər!
12. Sevgiyə inanma,
bu ötəri bir duyğudur!
13. Sadəcə irəli
deyil, yüksəkliyə doğru hərəkət et!
14. Məhv etdiyi
anda yenidən yaradan təzə və güclü külək olaraq gəl!
15. Yaşamağın
sevincini bir hədəf halına gətir. Amma ən böyük məqsədin böyüklük olmalıdır!
16. İnsandan başqa
heç bir şey gözəl deyil, amma ən gözəl insan qadındır!
17. İlluziyaları
və yalanları qəbul etmə, çünki onlar güclülüyün qarşısını alır!
18. Yüksək olan
hər bir şey kədərlə əldə edilir!
19. Yaşamağın
qayəsi yeni toxumların inkişaf edə bilməsi üçün münbit bir zəmindir!
20. Yalnız əkinçi
toxumları əkə bilər!
21. Öldürməyən
daha çox şey əldə edər!
Satanistlər insanlarda olan bəzi xüsusiyyətləri günah
sayırlar:
a. Ağılsızlıq:
satanik günahların başında gəlir. Ən böyük günah sayılır.
Satanistlərin
fikrinə görə ağılsız insanın heyvandan heç bir fərqi yoxdur.Əsl satanistin ağlı
adi insan ağlından fərqlənir, çünki satanizmi hər insan anlamır.
b. Göstərişçilik.
c. Yalnızlıq.
d. Hiyləgərlik.
e. Fikirləşmədən
inanmaq.
f. Kim və nə
olduğunu unutmaq.
g. Köhnə və həqiqi
anlayışları unutmaq.
h. Zərərverici
dərəcədə qürur.
i. Estetik yoxluq.
Anton Laveyin
fikirlərinə baxsaq, insan heyvanlardan aşağı səviyyədə olan canlı kimi qeyd
olunur. Onun bu qədər aşağı səviyyədə
olmasının səbəbi müqəddəs ruhu və zehni artımıdır. Yalnız insana bəxş edilən
ağıl, fikir, iradə, hiss, şüur, vicdan kimi mexanizmalar insanı mükəmməlliyə
aparan xüsusiyyətlərdir. İnsan bu mexanizmaları işlədərək mələkləri də geridə buraxa
bilər. Bu mexanizmalardan düzgün istifadə etməmək, insanı heyvandan daha aşağı
səviyyəyə düşürə bilər. Lavey yaxşı ilə pisi, gözəl ilə çirkini bir-birinə
qarışdıraraq insanların təsəvvürünə hakim kəsilmişdir.
Son dövrlərdə satanizmin inkişafı ilə əlaqədar olaraq
onların bir çox qolları yaranmışdır. Bu qollar klanlar adlanır:
1. Dablerlər
2. Şeytankilsəsi
3. Qnostiklər
a. Prometmean qnostikləri
b. Qaranlıq qnostikləri
4. İki incil
satanistləri
5. Cəhənnəm klubu
6. Romantik
satanistlər
7. Fraternity of
Bealder
8. ONA (Order of
nine Angels)
9. Satanism
Destutive Task Force
10. Arthur Desmond
11. World Deniad
Orq.
12. Qrovleylər
13. Order the Evil
Eye
14. Levciferion Light qroup.
Son illərin
məlumatına görə ABŞ-da 15 milyona qədər satanist vardır. Hətta orduda da
satanistlər vardır. Şeytan kilsəsinin təməli ``The Hell-Five Club of 18 Century England``, ``Cəhənnəm işığı`` adlı
bir kluba dayanır. Blanche Barto ``Sekret life of a Satanist`` (Bir satanistin
gizli həyatı), ``Church of Satan`` (Şeytan Kilsəsi), ``The Book of the Law``
(Qanun kitabı) əsərlərini qələmə alımışdır. Bundan başqa Luis Cantero ``My Path
to Satanizm`` (Satanizmə gedən yolum), ``Gon Control ond Satanizm`` (Silah
kontrolu və Satanizm), Magister Peter Gilmore ``What is the Satanizm?``(Satanizm
nədir?), Peggy Nadramia ``Satanizm, Nasizm and Fachsizm`` adlı məqalələr
yazmışlar.
