36 adamın öldüyü 1 may 1977-ci il Türkiyə hadisələrinin tətiyinə basan əl ilə, 20 iyun 2009-cu ildə İranda vətəndaş müharibəsinin tətiyinə basan əl arasında nə fərq var? Günahsız bir zərərçəkmiş maskasına ehtiyac duyan "gizli xidmət" Nidanı (İranda qətlə yetirilən gənc xanım)  düz ürəyindən vurdu!

Bəli, Nida simvol olmalıdır amma... ZƏHƏRLİ məlhəmini sürtmək üçün əvvəl yara açan imperializm, "simvol" seçdiyi Nidanı "Yaşıl İnqilab şəhidi" elan etdi. Nida həqiqətən də bir simvol olmalıdır, qəflətdə olan cəmiyyətlər üçün...

1 May 1977-ci ildə Türkiyənin Taksim meydanında 36 adamın öldüyü qarışıqlığın, 11 sentyabr 2001-ci ildə ekiz qüllələrə çırpılan təyyarənin və 20 iyun 2009-cu ildə İranda fitili odlanan vətəndaş müharibəsi cəhdinin altında eyni imza var...

1 May 1977-ci ildə Türkiyənini Taksim meydanı yaxınlığında yerləşən Sular İdarəsindən ilk gülləni "o" atdı. Yolu bağlayan "o" yük maşını 36 adamı ölümə sürüklədi. 136 adam yaralandı... Bilinən isə odur ki, CİA agentləri hadisədən bir gün əvvəl İntercontinental otelinə yerləşdilər, vəzifələrini tamamladıqdan sonra da otel qeydləriylə birlikdə yox oldular.

11 sentyabr 2001-ci ildə işləyəcəyi cinayətləri müdafiə məqsədi kimi göstərdikdə, kimsənin şübhələnməyəcəyi qədər göz rəngləyəcək bir nifrətə ehtiyacı vardı; yerli vaxtla saat 08:46:30-da Dünya Ticarət Mərkəzinin 94-cü və 98-ci mərtəbələrinin arasına vurulan təyyarəyə "toqquş" əmrini "o" verdi. 2974 adam öldü. Bilinən isə odur ki, "Mədəniyyətlərin toqquşması" tezisini təqdim edərək, terrorizmi "demokratiya" ilə susdurma kampaniyası başlatmaq həvəsindəki ABŞ, Əfqanıstan və İraq işğallarına haqq qazandırmaq üçün bir gizli xidmət şousu hazırlamışdı.

20 iyun 2009-cu ildə vəhşi pəncələrini gizləyəcək gözəl, günahsız bir zərərçəkmiş maskasına ehtiyac vardı; hadisələrin görüntülənmədiyi İranda, bütün dünyanın görə biləcəyi şəkildə ilk gülləni yenə "o" atdı... Bilinən odur ki, məlhəmini tapa bilmək üçün əvvəl dərin yaralara, dərmanını satışa çıxarmaq üçün amansız bir virusa, pulla bağlamaq üçün diz çökdürən bir yoxsulluğa; xülasə öz nizamı üçün əvvəl yaxşı hazırlanmış bir xaosa ehtiyacı olan Amerika imperializmi bu sahədə mütəxəssisdir.

Qəzet və televiziyalar, Müsəvi tərəfdarı nümayişdə şüar səsləndirərkən əfsanələşdirməyə uyğun şəkildə, düz ürəyindən vurularaq öldürülən Nida adlı gənc qızı "Yaşıl İnqilabın şəhidi" elan etdilər. Beləliklə, İranda baş tutmasına çalışdıqları vətəndaş müharibəsi cəhdinə "simvol" hazırladılar.

İrandan göndərilən son fotoşəkilə baxan hər məntiqli insanın soruşduğunu güman etdiyimiz sualı biz də soruşuruq: "Bütün dünyanın gözü üzərində olan, vətən xaini şahın varislərinin xarici müdaxilə nəticəsində yeni seçki tələbi edərkən, xalqı müxtəlif vədlərlə aldadan müxaliflərinin gözü önündə hansı lider ölkəsinin vətəndaş müharibəsiyə süründürülməsinə səbəb olacaq hadisəni törədər?

Qərb mətbuatı tərəfindən guya küncə sıxılmış vəziyyətdə olduğu bildirilən bir dövrdə, Əhmədinejadın həm qadın, həm adı Nida, həm də ürəyi hədəfə alınan çox funksiyalı bir qurban seçdiyinə, kameraların çəkilş aparılmasına imkan verilmədiyi mühitdə, bir nümayişçinin poza verərək canlı cinayət işlətdiyinə inanmaq çox axmaq fikir deyilmi?"

Xəbəri "İranın Nidası susduruldu" - şəklində, tam olaraq "tanış" dəzgahda toxunduğu kimi, heç araşdırmadan yayımlayanların manşetə qoyduqları o fotoşəkilə bir az da əks tərəfdən baxıb "Əhmədinejada qarşı tətbiq olunan embarqo da İranın səsini kəsməyə istiqamətlənməyibmi?" -deyə soruşmaq lazım deyildimi?

İllərdir Qərbin əsarəti altında yaşayan, etiraz səslərini çıxararkən isə oğurlanaraq qətlə yetirilən, qaz quyularına məhkum edilən, sorğulanan liderlər göz önündədir. Bir iddiası olan insanlara zərbə endirmək üçün küçələri qan gölünə dönən, minlərlə cənazə qaldıran, hansı ki, acı təcrübələrlə yoğurulmuş olan bir ölkədə, "romantik inqilabçı" həyatı yaşamaq üçün insanın beyninin bütün funksiyalarını itirmiş olması lazım deyilmi?

Məncə Nida adlı o gənc qız həqiqətən də bir simvol olmalıdır.

Amma yalnız İran üçün deyil; Qərbin müstəmləkəçiliyini demokratikləşmə kimi görən, hissləri, düşüncələri, mənəviyyatı əsarət altına alınmış, namusu ilə oynanmış bütün qəflət cəmiyyətləri üçün...

Çünki ABŞın, ətindən, südündən, tükündən, dərisindən faydalanıb, sümüklərini də əlaqdə olduqlarının önünə atmağı planladığı bütün ölkələr; Gürcüstan kimi, Ukrayna kimi, Serbiya kimi, Moldova kimi, İraq kimi, Pakistan, Əfqanıstan, Livan və Türkiyə kimi; zərrəcə iqtisadi, siyasi və ya hərbi pay vəd edən ABŞ-dan baxdıqda neft neft, mədən mədən, torpaq torpaq, əsgər əsgər kimi görünən bütün ölkələr təhdid altındadır.

Heç birində hakimiyyəti təhdid üçün küçəyə tökülən vətəndaş bir gəncin, özünə biçilən qarışdıruma missiyasını tamamlamaq üçün "o" güllənin hədəfi olmayacağına zəmanəti yoxdur!