Malcolm X Şahbaz, tam 44 il əvvəl silahlı hücum nəticəsində həyatını itirdi. Ölmədən 6 ay əvvəl 17 sentyabr 1964-cü ildə Misir qəzetlərinin birində dərc olunmuş bir yazısını maraqlı bilib oxucularımız üçün tərcümə etdik. Malcolm X-in ölümündən az qala yarım əsr keçməsinə baxmayaraq, yazıda hallandırılan məsələlər barədə dəyişən heç bir şey olmayıb... 

Sionist məntiq

Fələstini bu an işğal edən sionist ordular, qədim yəhudi peyğəmbərlərinin "bu dünyanın son günlərində" öz Tanrılarının onlara vəd edilmiş torpaqlara aparacaq bir "Məsih" göndərəcəyini və bu yeni əldə edilmiş torpaqlarda yeni bir "ilahi hökumət" quracaqlarını və bu "ilahi" hökumətin "digər bütün xalqları dəmirdən bir çubuqla" idarə etməsini təmin edəcəyini nəzərdə tutduğunu iddia edərlər.

Əgər İsrailli sionistlər Fələstin torpaqlarının işğalını yəhudi peyğəmbərlərinin zühurunun reallaşması olaraq görürlərsə, demək digər xalqları dəmirdən çubuqla idarə edəcək "ilahi" vəzifələrinə də inanırlar. Dəmirdən çubuq, əvvəlki Avropalı müstəmləkə güclərindən daha möhkəm sabitlənmiş güclü-hakimiyyət mənasını verməkdədir.

Bu İsrailli sionistlər, yəhudi Tanrılarının köhnəlmiş Avropa müstəmləkəçiliyini, yeni bir növlə dəyişdirmək üçün özlərini seçdiyinə inanmaqdadır.

Kamuflyaj

İsrailli sionistlər, yeni növ müstəmləkəçiliklərini müvəffəqiyyətlə gizlədiklərindən əmindirlər. Müstəmləkəçilikləri daha "xeyriyyəçi", daha "insanpərvər" görünməkdədir. Bu sistemdə potensial qurbanlarına dostcasına iqtisadi "köməkləri" və iqtisadiyyatları böyük çətinliklər çəkən yeni-müstəqil Afrika xalqlarının burunları qarşısında yellədikləri digər təhrikedici hədiyyələr verməklə idarə etməkdədirlər.

Afrikadakı xalqların böyük əksəriyyətinin oxuma-yazma bilmədiyi 19-cu əsrdə avropalı imperialistlərin onları "qorxu və güc"lə idarə etməsi asan idi, ancaq günümüz aydınlaşmaqda, Afrika xalqları oyanmaqdadır və onları 19-cu əsrin antikvarlaşmış üsullarıyla müəyyən çərçivədə tutmaq qeyri-mümkündür.

Bu səbəblə imperialistlər yeni metodlar fikirləşməyə  məcbur qalmışlar. Artıq kütlələri boyun əyməyə məcbur edə və qorxuda bilmədikləri üçün, afrikalı xalqları könüllü bir itaətə daşıyacaq yeni, müasir üsullar tapmaq məcburiyyətindədirlər.

Yeni imperializmin müasir 20-ci əsr silahı "dollarizm"dir. Sionistlər dollarizm elminin kitabını yazmışdır: bir yoldaş və köməksevər cildində gəlirlər, hədiyyələr və digər hər növ iqtisadi köməklər gətirib texniki dəstək təklif edirlər. Yəni, bir çox yeni "müstəqil" Afrika xalqlarında sionist İsrailin təsiri və gücü 18-ci əsr avropalı müstəmləkəçilərdən sabit hala daha çox sürətlə gəlmişdir. Və bu yeni sionist müstəmləkəçilik, yalnız şəkil və metod etibarilə fərqlidir, əsl məqsəd və motiv isə eynidir.

Avropalı imperialistlər oyanan Afrika xalqlarının köhnə güc və qorxu ilə idarə şəklinə boyun əyməyəcəklərini ağıllıca nəzərdə tutduqları 19-cu əsrin sonlarında, bu ölməz-intriqaçı imperialistlər "yeni bir silah" və bu silaha "yeni bir əsas" tapmaq məcburiyyətində qaldılar.

Dollarizm

İyirminci əsr imperializminin bir nömrəli silahı sionist dollarizmdir və bu silahın ana əsaslarından biri də sionist İsraildir. Ölməz-intriqaçı avropalı imperialistlər, ərəb dünyasını coğrafi olaraq parçalayacaq, içinə sızacaq, Afrika liderləri arasına ixtilaf toxumları əkəcək və afrikalıları asiyalılara qarşı böləcək şəkildə İsraili ağıllıca yerləşdirmişdir.

Sionist İsrailin Fələstini işğal etməsi, yeni müstəqil Ərəb ölkələrinin iqtisadiyyatlarını gücləndirmək və xalqlarının həyat standartlarını yüksəltmək üçün fokuslanmağı qeyri-mümkün hala gətirərək, Ərəb dünyasını milyardlarla qiymətli dollarını silahlanmaq üçün istifadə etmək məcburiyyətində qoydu.

Afrikalılara ərəb liderlərin onların həyat standartlarını yüksəltmək üçün intellektual, ya da texniki olaraq yetkin olmadığını göstərmək üçün Ərəb dünyasında həyat standartlarının davam edən aşağılığını, sionist təbliğatçılar məharətlə istifadə edirlər.

"Quşun qanadını qırırlar və sonra onlar qədər sürətli uça bilmədiyi üçün günahlandırırlar"

İmperialistlər hər vaxt özlərini yaxşı göstərər, lakin bu yalnız sionist-kapitalist fəsadıyla iqtisadiyyatları iflic buraxılan yeni müstəqil ölkələrin şikəst iqtisadiyyatlarıyla yarışdıqları üçündür. Ədalətli bir yarışa dözə bilməzlər, çünki Camal Abdül Döyənəyin sosializm altında Afrika-Ərəb Birliyindən ödləri qopdu.

Məsih?

Onları vəd edilmiş torpaqlara aparacağı və İsrailin indiki Fələstinin işğalının reallaşması istiqamətindəki sionist iddiaları doğruya, peyğəmbərlərinin onları oraya aparacağını söylədikləri Məsihləri kimdir? İşğal altındakı Fələstini sionistlərin əlinə verən "razılaşmanı hazırlayan" Ralf Bunçe idi! Ralf Bunçemi Sionizmin Məsihidir? Əgər Ralf Bunçe onların Məsihi deyilsə və Məsihləri gəlmədisə, Məsihlərinin qarşısında Fələstində nə qələt etməkdədirlər?

Sionistlərin Fələstini işğal etmək, ərəb vətəndaşlarını evlərindən qovmaq və bütün ərəb torpaqlarını atalarının orada minlərlə il əvvəl yaşadığı "dini iddiasıyla" işğal etmək üçün qanuni, ya da əxlaqi bir haqqlarımı varmı? Min il əvvəl əndəluslular İspaniyada yaşayırdı. Bu, eynilə avropalı sionistlərin Fələstindəki ərəb qız və qardaşlarımıza etdiyi kimi, qərblilərə İberya yarımadasını işğal edib, İspan vətəndaşları məhv edib İspaniyanın olduğu yerdə yeni bir Əndəlus dövləti qurma haqqımı verir?

Sözün düzü, İsrailin Fələstindəki işğalını tarixdə əsaslandıracaq  nə əqli, nə də qanuni bir təməli yoxdur� Hətta öz dinlərində belə.

Dosye: Malcolm X 1952-ci ildə Malcolm X adıyla Qara Müsəlmanlar Hərəkatına daxil oldu. Elijah Muhammadın yolunu izlədi və ona ABŞ içində tamamilə müstəqil olacaq bir qara respublikasının qurulması fikirini mənimsətdi. Ancaq 1964-cü ilin martında iki öndərin arası dəydi; Malcolm X, Afrika - Amerika Birliyi təşkilatını qurdu və 1964-cü ildə Afrika ilə Orta Şərqə (Həcc üçün Məkkədə oldu) iki səfər etdi.

 Dönüşündən 1 il sonra da öldürüldü.

Massaçusettsin qara məhəlləsində orta təhsil alıb. Çox istəməsinə baxmayaraq, universitetə gedə bilmədiyindən, kiçik yaşda işləmək məcburiyyətində qalır. Miçiqan və Boston deyərkən, birdən özünü Harlemdə görür. Bir qara olaraq biçilən həyata tərzi, onu sonunda həbsxanaya salır. Universiteti Harlem küçələrində tamamladığını və doktorluq tezisini də həbsxanada hazırladığını uzun-uzadı danışır. O oxuma aclığını həbsxanada aradan qaldırar. Doymaq bilməz bir istəklə həbsxana kitabxanasındakı kitabları tək-tək oxuyur. Həbsxana illəri üçün: "Məndən soruşulsa, bir insanın düşünməyə ehtiyacı varsa, gedə biləcəyi ən yaxşı yer, universitetdən sonra həbsxanadır" deyərək, heç kimin çarəsiz və ümidsiz olmadığını vurğulayır.

O, yeddi illik "həbsxana təhsilindən" sonra, başqa bir Malcolm X olaraq Harlemə geri dönür. Həbsdən əvvəl bir küçə avarasıykən, indi Amerikada böyük bir sürətlə inkişaf edən İslamın təsirli nümayəndəsi olur.

Malcolm Little olan soyadını Harlemdə X olaraq dəyişdirir. Yeni soyadı, onun afrikalı atalarının artıq özü başda olmaqla, kimsə tərəfindən bilinmədiyinin simvoludur. Elijah Məhəmmədin liderli olduğu Qara Müsəlmanlar Hərəkatı Malcolm X-lə birlikdə daha da qüvvət qazanaraq yayılır. Artıq Malcolm, Elijah Məhəmmədin baş qərargahıdır. Lakin Elijah Məhəmmədin zina etməsinə qarşı çıxması, daha sonra da Elijah Məhəmmədin, Malcolma, prezident Kennedini öldürülməsi haqqındakı səlahiyyətsiz və iynələyici sözlərindən ötəri səssiz qalmasını əmr etməsi, Malcolmun öz hərəkəti içində təcrid edilməsinə səbəb olur.

Gerçək İslamın Elijahdan çox uzaq olduğunu bilirdi. Ancaq İslamı bütün incəlikləriylə qavraya bilmək irq, rəng və dil ayrı-seçkiliyi etmədiyini görə bilmək üçün Həccə getməsi lazım idi. O Amerikada bildiyi İslamla, Həccdə Məkkədə gördüyü İslam arasında dağlar qədər fərq olduğunu anlayınca, X olan soyadını Əl-Şahbaza çevirdi. Çünki o gözləri mavinin ən mavisi, saçları sarının ən sarısı insanlarla eyni qabdan yemək yemiş, eyni sırada çiyin-çiyinə namaz qılmışdı.

Başlanğıcda ilk Qara Müsəlman Hərəkatının qabaqcılı Elijah Məhəmmədin bağlısı olaraq, irqçi düşüncələr daşıyarkən, Həcc səbəbindən İslam dünyasına etdiyi səfəri, onu bu düşüncələrdən çevirdi. Artıq özünü İslamın müstəmləkəçilik və irqçilik əleyhdarı universal mesajını bütün dünyaya çatdırmağa həsr etmişdi. Bu məqsədini kütlələr diametrində reallaşdırmağa çalışdığı yığıncaqlarından birində sui-qəsdə uğradı. 21 fevral 1965-ci ildə öldürüldü.

X, Manhettendə olan Audubon Bal salonunda çıxış edərkən bir adam "Zənci, əllərini cibimdən çək!" ("Nigger, get your hand out of my pocket!") şəklində qışqırdı. Bu qışqırma zamanı qorumalar adama yönələrkən, bu adam daha sürətli davranır və lüləsi kəsilmiş tüfənglə Malcolm X-i sinəsindən vurur. Digər yerdə dayanmış digər iki yoldaşı ilə birlikdə X-i ümumilikdə 16 dəfə vurdular. Salonda olanlar sui-qəsdçilərin birini tutub zərərsizləşdirsələr də, digər ikisi professional şəkildə hadisə yerindən qaçır. Malcolm X aldığı yaralardan bir müddət sonra dünyasını dəyişir. Cinayət şübhəlisi olaraq Talmadge Hayer adındakı, amma Tomas Hagan olaraq bilinən və özünü müsəlman olaraq tanıdan qaradərili həbs olunur. Digər şübhəlilər Norman Budlar və Tomas Johnson ilə birlikdə üç adam mühakimə olundular. Mühakimə zamanı sui-qəsdi başqasının işlədiyi tezisləri ortaya atıldı. Amma həmin üç şübhəli, həyata davam etdi. İndi isə Hayer; Mücahid Halım olaraq tanınmaqda, Budlar; Muhammad Əbdül Əziz olaraq tanınmaqda və Harlem Məscidi başçılığını icra etməkdədir. Johnson isə Xəlil İslam adını götürmüşdür.

İstinad zəruridir