Bir neçə gün öncə Ağ Ev başçısının Şərqə səfəri bəzi nüanslarla yadda qaldı. ABŞ prezidenti Qurandan sitatlar gətirərək, Allah sevgisindən və İslamın bəşəriyyətə xidmətlərindən söz açaraq, müsəlmanların diqqətini özünə cəlb eləməyə çalışdı. Buna nə qədər nail olması isə fikrimcə, göz qabağındadır. Yenə də yağlı tikə vədəsinə aldanan bəzi müsəlman liderləri onun səmimiliyini etiraf edib, sözünün üstündə duran siyasətçi kimi qələmə verirlər. Hətta bəziləri Obamanı az qala müqəddəs varlığa çevirməkdən belə çəkinmirlər. Bu haqda danışmaqla söz qurtaran, fikir bitən deyil�

Biz isə bəzi məqamlara toxunmaq istəyirik. İlk öncə, ABŞ prezidentinin çox həssas bir vaxtda Şərqə səfər etməsi bizi daha çox düşündürməlidir. Çünki xüsusən siyasət dünyasında belə hallar təsadüf olmur. B.Obamanın son dövrlər zahirdə müsəlmanların xeyrinə verdiyi bəyanatlar bu səfərə hazırlıq kimi qiymətləndirilməli idi. Görünür onun bu addımı müsəlmanları çaş-baş salıb. Çünki hiyləgər siyasətiylə ilk mərhələni demək olar, uğurla keçir. Maraqlı odur ki, bu bəyanatların, səfərin və yağlı vədlərin arxasında nələrin dayandığını biz ya bilmirik, ya da bilmək istəmirik. Cavabı çoxlarında şübhə yaradan, bəzilərini isə heç maraqlandırmayan suallar müsəlmanları hələ çox qeyri-müəyyən istiqamətə aparacaq. Onun bütün etdikləri müsəlmanların inamını qazanmaqdan başqa bir şey deyil. Artıq Qərb dünyasında anlayırlar ki, İslam dinindən yararlanan hər kim fövqəladə gücə sahib olur. Bu güclər toplum halına düşsə, onun qarşısı yalnız təslim olmaqla alına bilər. Quranın 14 əsr əvvəl dediyi ayəni onlar indi başa düşürlər: �Allah yanında (haqq olan) din, əlbəttə, islamdır. Kitab verilmiş şəxslər (yəhudilər və xaçpərəstlər) ancaq (bu dinin həqiqi olduğunu) bildikdən sonra aralarındakı paxıllıq üzündən ixtilafa (ayrılığa) başladılar. Allahın hökmlərini inkar edənlərlə, şübhəsiz ki, Allah tezliklə haqq-hesab çəkəcəkdir�. (ali-İmran surəsi ayə 19)

İslam mütəfəkkirlərindən biri deyir: düşmən sizə yaxınlaşdığı vaxt bilin ki, ya sizdən nəsə oğurlayıb, ya da oğurlayacaq�. Bunun üçün müsəlmanın hər zaman ayıqlığı ictimai ibadət hesab olunur. Şəhid Murəza Mutəhhəri isə bu barədə deyir: �Müsəlmanların əsl problemləri gücsüzlükdə və zəiflikdə deyil, onların ayıq olmamalarındadır�. Elə düşmənin hiyləsi də bizi məhz bu istiqamətə yönəltməyə hesablanıb.

Bunun bariz nümunəsini Obamanın çıxışında görmək mümkündür. Onun Misirə səfəri İslam dünyasıyla Qərb arasında bəzi problemlərin həll istiqamətində razılaşma adıyla olsa da pərdəarxası məqamlar daha ciddi məsələlərdən xəbər verir. Əvvəldə müsəlmanların potensial gücə sahib olduqlarını vurğuladıq. Qərb isə tarix boyu bu elektoratların birləşməməsi üçün əlindən gələni əsirgəməyib. Bu iyrənc siyasəti həyata keçirtməkdə isə sünni-şiə məsələsi həmişə Qərbin karına gəlib. Dəfələrlə Amerikanın bu məsələni qabartmağa göstərdiyi səylərin şahidi olmuşuq. Obamanın Qahirədə müsəlamnlar qarşısında etdiyi çıxışda da bu nüans diqqərdən kənarda qala bilməz: �Sünnilər və şiələr İraqda və digər müsəlman ölkələrində stabilliyin və sülhün bərqərar olunması üçün daxili dini çəkişmələri dayandırmalıdırlar". Güya bütün olanlar məzhəb çəkişmələri nəticəsində baş verir və günahkar da elə müsəlmanlar özləridir. Biz isə belə məqamları daim diqqətdə saxlamalı və heç bir aldadıcı vədlərə uymamalıyıq. Fikrimcə, cənab Obama belə çixışlar edib Həzrət İsa, Həzrət Musa və Həzrət Muhəmmədi eyni mənada peyğəmbər kimi qəbul etdiyini deməkdənsə, konkret əməl göstərməlidir. Təəssüflər olsun ki, hələ belə halların şahidi olmuruq. Buna baxmayaraq ümid edirik ki, batil doğuduğu yerdə boğulacaq!