Biz bəzən qərb mədəniyyəti deyib aləmə car çəkirik və gəlin qərb mədəniyyətinə doğru addımlayaq deyirik. Amma unuduruq ki, qərbin mədəniyyəti yalnız qərbdə mədəni olur
- İsveçdə nasist partiyası qeydiyyatdan keçir və rəsmi olaraq seçkilərdə işitirak etmək hüququ qazanır...
- Danimarka müsəlman ölkələrindən gələn ziyarətçiləri az qala şəhərə
buraxmır. Onlara potensial miqrant və terrorist gözü ilə baxır...
- Avstriya, Almaniya, Finlandiyada miqrantlar artıq narahatçılıq keçirir, diskriminasiyaya məruz qalır...
- Və Norveç. 76-dan çox insanın həyatına son qoyan terrorçuya Qərb
terrorçu deməkdən çəkinir. Ona "Təcavüzkar" (Reuters), "Bandit" (BBC,
CNN, AI Jazieera), "Zorakı insan" (ABŞ, Dövlət Departamenti) deyir, amma "terrorist" yox.
Avropa dəyərləri, Avropa mədəniyyəti imkan vermir ki, özlərindən olanı
sahibsiz qoysunlar. Qərbdə baş verənlər qərbin dəyəridir. Biz bəzən qərb
mədəniyyəti deyib aləmə car çəkirik və gəlin qərb mədəniyyətinə doğru
addımlayaq deyirik. Amma unuduruq ki, qərbin mədəniyyəti yalnız qərbdə
mədəni olur. Bu ölkələrdə qanunlar və cəzalar hamı üçün bərabərdir.
Qərbliləri mədəni edən onların qanunlarıdır. Qanundan kənarda qərbdə
mədəniyyət görməzsən.
"Müsəlmanları təcrid etmək", fikrimcə qərb mədəniyyətində formalaşan və
siyasilər tərəfindən dəstəklənən dəyərlərdən biri də budur. Bizdə də
buna oxşar bir dəyər var, eyni ilə onun kimidir (harda gördün erməni,
vur başına gülləni). Bu gün 76-dan çox günahsız insanın həyatına son
qoyan o terrorçuya ona görə qərb terrorçu demir. Odur ki, ona 21 ildən
artıq həbsi rəva bilmir (cənnət kimi həbsxana, sonra bir neçə aydan
sonra ev dustaqlığı, daha sonra isə amnistiya olunacağı da şübhə
doğurmur). Diqqət edirsizsə, qərb yeni mədəniyyət diktə edir. Güllə və
erməni məsəli kimi.
Avropalı kimliyini müəyyənləşdirir. Avropalı ən dəyərsiz dəyərinə belə
sahib çıxır. Ən dəyərsiz keçmişi belə göz bəbəyi kimi qoruyur. Ona 76
günahsız insanın həyatına son qoyan avropalı müsəlmandan əzizdir. Bu gün
qərb kimlik mübarizəsi aparır. "Mən kiməm?" Avropalı bu sualı hər gün
özünə verir və cavabı bu olur. "Mən müsəlman deyiləm, mən avropalıyam".
Qlobalizm. Diktə edən tərəf qərbdir. Qəribəsi budur ki, dinlər
bir-birlərinə qarşı yox, şovinist millətçilər dinlərə qarşı çıxır.
İslam dini qərbdə artıq ömürlük vizasını alıb. Amerika və Avropa özləri
də bilmədən İslama "green card" verdi. Əslində qlobalizmin qərbə vurduğu
ən ağır zərbəsi də bu oldu. Dünyanı qlobalizm ilə idarə edəcəyini
düşünən qərb, gözləmədiyi halda qloballaşan İslamı "ev"ində gördü." Hello" deyən avropalının "salam aleykum"u həzm etdiyini görəndə, artıq "müəyyənləşmək" kartı (nasizim) siyasi dairələr tərəfindən ortalığa
atıldı.
Və biz. Ən çətini bizik. Bluetooth-u açıq qalmış telefonlar kimi qərbdən
gələn hər şeyi dəyərli bilib qəbul edirik. Mən Avropada gözəl
mədəniyyət görmüşəm və kimsə düşünməsin ki, məndə anti-qərb əhval
ruhiyyəsi var. Lazım olan qədər tolerant birisiyəm və ötən yazımda da
kifayət qədər Avropa dəyərlərindən və qanunların sistemliyindən qeydlər
etmişəm. Təkrar olmasın deyə, tək bunu deyə bilərəm ki, avropalılar
özlərinə qarşı hədsiz ədalətli və bərabərçidirlər. Diskriminasiyanın
səviyyəsi sıfrdır. Azadlıq anlayışı da "öz"lərinə qarşı dəqiqdir. "Öz"
və "kimlik" məsələsi dövlət siyasətidir. Odur ki, məqsədim burda
birmənalı tənqid deyil. Sadəcə mən də "öz"ümüzə bir sual vermək
istəyirəm. Nə olub ki, biz bu qədər kənar "dəyər"ərə möhtac qalmışıq?
Nə baş verir ki, milli-mənəvi keçmişimizə sahib çıxa bilmirik? Nə səbəb
olub ki, günü-gündən "özgə"ləşirik. Nədən dünyaya fəxrlə təqdim edə
biləcəyimiz instutsional dəyərlərimizi günü-gündən əldən veririk? Niyə
biz "Azərbaycanlı" adını dünyada brend edə bilmirik? 1 milyon qaçqın, 1
milyon problem, 1 milyon... nə vaxta qədər? 20 yaşımız var, amma özümüzü
hələ də uşaq kimi aparırıq. Böyümək və inkişaf etmək vaxtı gəlib çatıb
və mən Azərbaycanımızın inkişafı üçün əlimdən gələn dəstəyi göstərməyə
hazıram. Əl-ələ vermək və "öz"ümüzün gücünə arxalanaraq, bu ölkəni irəli
aparmaq və bu millətin başını uca etmək lazımdır.
P.S. Yazının son cümləsi "ənənəvi" sonluqla bitdi. Mən bu
millətin ənənələrini də, mentalitetini də çox sevirəm. Bir gün gələcək,
mentalitet axtaracaq, tapa bilməyəcik.
Dizayn :Networkbil.net . 2009 FAKTXƏBƏR . Dərc olunan materilların mətninə görə, redaksiya heç bir məsuliyyət daşımır. Saytdakı materiallardan istifadə edərkən istinad zəruridir.
