Bu nə dövrandı ki, hər şey pula mail dedilər,
Haq da puldan yanadır, hökmünə qail dedilər.
Kiminin ki, pulu var haqqı var əlbət ki, demək,
Parası olmayanın ağlı da zail dedilər.
Dilimi doğradılar, mincə dilim oldu dilim,
Az danış, azca soruş, az düşün, az bil! - dedilər.
Gördülər təkdi həqiqət, boğazından yapışıb,
Haqqı dəfn eyləyərək, doğruya batil dedilər.
Çünki Allah yaradıb insanı mədh etdi özün,
Beləcə hamı çaşıb naqisə kamil dedilər.
Kamiləm, hər nə qədər haqqı bəyan etdimsə,
Bir kərə dinləmədən, vallah o cahil, dedilər...
|
