Tarix boyu dinlə mübarizə aparanlar dinə qarşı olan kinlərini qəlblərində gizləyib, zahirən dinsevər kimi görünməyə çalışmışlar. Bu tarix boyu belə olmuşdur. Peyğəmbərin (s) zamanında da belələri çox idi. "Münafiqlər deyilirdi onlara. Quran baxımından münafiqlərin təhlükəsi kafirlərdən qat-qat çoxdur. Quranda Allah onları belə təsvir edir: "(Ya Peyğəmbər!) Münafiqlər sənin yanına gəldikləri zaman: "Biz sənin, doğrudan da, Allahın Peyğəmbəri olduğuna şəhadət veririk! - deyirlər. Allah sənin Onun həqiqi Peyğəmbər olduğunu bilir. Allah həm də münafiqlərin xalis yalançı olduqlarına şəhadət verir." "Onlar andlarını özlərində sipər edib (xalqı) Allah yolundan döndərirlər. Həqiqətən, onların törətdikləri əməllər necə də pisdir!" (Münafiqun 1-2) Həmişə belədir. Quranın hökmləri ilə mübarizə aparanlar Quranın onlar üçün müqəddəs və qiymətli bir kitab olduğunu iddia edirlər. Quranın hökmlərinə zidd olan qərar çıxarıb, "Biz əslində dinə xidmət edirik! deyirlər. "Onlara : "Yer üzündə fəsad törətməyin!" -dedikdə: "Bizim işimiz ancaq yaxşılıq etməkdir", -deyə cavab verirlər." (Bəqərə 11) Bu işləri ilə ümumi kütləni aldadmaq, onları arxasınca sürükləmək istəyirlər. Buna müəyyən qədər müvəffəq də olurlar. Amma Allahı unudurlar. Unudurlar ki, onların bütün planlarını alt-üst edən bir Yaradan var. "Onlar hiylə edib bir plan qurdular, Biz də bir plan qurduq bir halda ki, onlar (bizim planımızdan) xəbərsiz idilər..." (Nəml 50) Onlar o gözə görünməz qüvvəni hesaba almadılar. Allah isə bir bir öz planını ortaya qoymağa başladı. Ilk plan. İlk plan nə idi, bilirsinizmi?! İlk olaraq onların qəlbində dinə qarşı olan kini ifşa etdi. "Yoxsa qəlblərində mərəz olanlar elə güman etdilər ki, Allah onların (ürəklərindəki) kin-küdurətlərini zahirə çıxartmayacaqdır?!" (Mühəmməd 29) Əvvəlcə Peyğəmbərinə (s) onların "ləhnil qövl" , yəni "danışıq tərzi" - nə diqqət etsin deyə buyurdu Ulu Rəbb. "(Ya Peyğəmbər!) ... Sən onsuzda onların danışıq tərzlərindən mütləq tanıyacaqsan. Allah sizin əməllərinizi bilir!" (Mühəmməd 30) Quranın hökmü, öyüd və tövsiyəsi həmişə təzədir. O aydınlatmalar hər dövrə aiddir, sadəcə bir az diqqətli olmaq gərəkir. Bu günlərdə də biz bir çoxlarının "ləhnil qövlü", danışıq tərzində onların dinə nə qədər kin bəslədiklərini açıq-aşkar gördük. Artıq onlar bizim üçün münafiq sayılmırlar. Ifşa etdilər özlərini. Allahın dinini sevmədikləriniə öz danışıq tərzləri ilə hər kəsin önündə etiraf etdilər. Təhlükə bir az da olsa azaldı. Artıq qarşı tərəfin kim olduğu ortada. Bu Allahın bizə bir neməti idi ki, onları bizə tanıtdırdı. Amma "danışıq tərzindən anlamaq" hamıya aid deyil. Hamı anlaya bilməzdi. Ona görə ikinci addım, onları daha yadın formada, etdikləri əməldə ifşa etmək idi. Belə də oldu. Əvvəllər sadəcə danışıqlarında dinə olan kinlərini biruzə verənlər göftardan rəftara keçdilər. Elə işlər etməyə başladılar ki, qəlblərində olan kinin adi bir kin deyil, mürəkkəb və çox qatı kin olduğunu aydınlatdılar. Artıq onların din dostu yoxsa din düşməni olduqları heç kimə qaranlıq deyil. Artıq bunu anlamaq hər kəs üçün mümkün oldu. Bu Allahın gizli planı idi. Öz gizlini ilə onların gizlinini Günəşə vermək. Onları ifşa etmək. Onların əsil üzünü hamıya tanıtmaq. Bu ulu rəbbin ikinci planı idi. Hələ harasıdı?! Gözləyin sonrakı planları. Amma Allahın gözlənilən son planını xatırlatmaq burada yerinə düşərdi. Onlara edilmiş xəbərdarlığı unutduqları zaman hər şeyin (bütün nemətlərin) qapılarını onların üzünə açdıq. Onlarsa özlərinə verilən nemətlərlə qürrələnməyə başladılar. Və o zaman onları qəflətən yaxaladıq və onlar (hər şeydən) məhrum oldular. (Ənam 44)
Dizayn :Networkbil.net . 2009 FAKTXƏBƏR . Dərc olunan materilların mətninə görə, redaksiya heç bir məsuliyyət daşımır. Saytdakı materiallardan istifadə edərkən istinad zəruridir.
