Azərbaycan gəncliyini problemləri barədə qəzetlərdə və jurnallarda geniş məqalələr dərc olunub. Amma bu yazıda sözügedən problemlərə tamam başqa aspektdən yanaşmaq istəyirəm. İndi gənclərin müxtəlif istiqamətlərə üz tutmaları elə evdən, uşaqlıq illərindən başlayır. Yazıq uşaq nə etsin, nə verirlər onu da yeyir. Uşaq evdə adını yaxşı deyə bilmədiyi halda, televizorda gedən proqramların adını tək-tək saymağı bacarır. Çünki onların tərbiyəçiləri səhərdən axşama qədər ekran qarşısında oturub şou verilişləri izləyir. Ana nə etsin, Azərbaycanın telekanalları bundan artığını düşünə və göstərə bilmirlər. Səhərdən axşama kimi şou və yalnız dəyəri çirkli kağız qədər olmayan müğənnilər (əlbəttə istisnalar var). Bir də ailədaxili məhrəm problemləri qabardan verilişlər ki, onlar ümumiyyətlə tragediyadır. Hələ homoseksuallığı təbliğ edən teleserialları demirəm. Bu vəziyyət təbii olaraq yalnız gəncliyi deyil, bütün insanlara mənfi təsir edir. Hər gün yayımlanan bu proqramlarda bütün ailə sirləri aradan getmirmi? Bu proqramlar insanların namuslarını iki qəpiklik etmirmi? Təəssüf... Təəssüf ki, bəzi insanlar öz ailə problemlərini ictimai müzakirə ilə həll etmək istəyirlər. Olmazmı ki, ictimaiyyətlə olunan müzakirəni elə evdə oturub iki nəfər qarşı-qarşıya müzakirə etsin, problemlərini deyib bir-birini anlasınlar. Sirləri də özləri üçün qalsın. Bu ona bənzəyir ki, Səməd Vurğunun həyat yoldaşı Səməd Vurğunun ailədəki davranışı ilə bağlı Ermənistan mətbuatında çıxış edir.

Ümumiyyətlə isə, son zamanlar gənclər maarifləndirici verilişləri izləmək və faydalanmaq əvəzinə, rep ulduz, pop ulduz və rəqs və.s insanı manqurtlaşdıran proqramları izləyirlər. Yayımlanan kliplər sanki erotik filmdir. Deyəcəksəniz ki, "əşi cavandır, qoy kef eləsin bəsdir sən də yenə başladın pessimist yazılarla başımıza xarab etməyə. Qoy cavanlığmızı keçirək də". Bax bizi problemlər qarşısında aciz qoyan bu cür düşüncə tərzidir. Hansısa bir problemlə bağlı özümüz deyil, başqalarının bizim əvəzimizə qərar verməsini gözləyirik. Bu cür düşüncə tərzimizdir ki, elə başqalarının sərvətimizi talamasına da göz yumuruq. Başqalarının könlü xoş olsun deyə, torpaqlarımızda at oynadan ermənilərə də göz yumuruq.

Hamı cəmiyyətin problemlərinə fərqli yöndən baxır. İki nəfərin eyni problem üçün fikri üst-üstə düşmür. Bu cür ictimai fərqliliklər isə cəmiyyətimizi paramparça edib. Ona görə də hərə istədiyi torbanı başımıza keçirir.

Heç bilik mənbəyi olan məktəblərimizdə də vəziyyət ürəkaçan deyil. Elə bilməyin ki, evdə televiziyadan mənfi enerji alan uşaq və ya gənc gedib məktəbdə müsbət enerji alacaq. Əsla yox, indi məktəbdə siqaret çəkməyən, dərs danışan və dərsdən çıxarkən yanında adaxlısı olmayana "mama uşağı" deyirlər. Maariflənmə problemi olan gəncliyimizə və təhsilə isə daha bir zərbə isə bu günlərdə elə maarif ocağından gəldi. Belə ki, məktəbdə elmi və tərbiyəvi cəhətdən digərlərdən fərqlənən hicablı şagirdlər, dışlanmağa başlandı.

Bu azmış kimi bəzi iffət anlayışı olmayan yazarlar, öz köşələrində hicab barədə  məntiqdən kənar sözlər səsləndiriblər. Bu yazarların dəyərini bilmək istəyirsinizsə, mən deyim, onların bütün dəyəri bir bakal pivədən ibarətdir. Sosial məkan istifadəçiləri yaxşı bilirlər mən kimləri nəzərdə tuturam. Onlar o məclislərdən əldə etdikləri nəticəni öz köşə yazılarına tökürlər. Gündə bir şey sayıqlayırlar. Görəsən onlar misal göstərə bilərlərmi ki, filan məsləhətləri ilə filankəsləri çirkabdan, səfalətdən xilas ediblər? Frensis Bekon demişkən, "Əksər maymaq və ağıldan yüngül insanlar sərxoşluğa aludə insanlardır və ya o cür insanlardan dünyaya gəlirlər".

Cəmiyyətdə yeni gəlişmə baş verən kimi bu cür yazarlar (içlərində yəhudi əsilli olanlar da var) yuyulmamış çömçə kimi özlərini atırlar ortalığa. Məlumunuz olduğu kimi şifahi hicab qadağası neçə gündür gündəmdədir. Bəzi yaltaq yazarlar isə, həmişə olduğu kimi yenə başlayıblar sərsəmləməyə. Əvvəla hicab örtük deməkdir. Örtüyün isə müxtəlif formaları var. Hər mədəniyyətin özünə görə örtünmə qaydası var.  Baş və bədənin örtünməsi isə İslam ideologiyasıdır. Bu ideologiya Allahın əmrdir. Kim bu əmrə qarşı çıxsa, deməli Allahın əmrinə qarşı çıxıb. İndi biz küçədə yubka və ya şalvar geyən qadına deyə bilmərikmi yubkanı və şalvarını çıxart. Bu o qadına təhqir olar. Adama deyərlər başın xarab olub. Bu mənim örtünmə mədəniyyətimdir. Hicablı xanımın başını bağlaması onun örtünmək mədəniyyətidir, əqidəsidir. Bu kiminsə taxdığı qalstuk deyil ki, ona deyəsən çıxart bunu at kənara. Yenə deyirəm bu əqidədir.

Və ya bəzi iffətin və həyanın nə olduğunu anlamayan yazarlar hicab barədə deyirlər ki, "bu nədir e, kələm kimi bükülüblər". Onlara demək istəyirəm ki, bəs onda sənin yaxınların niyə başqalarının qabağında BANAN kimi soyulurlar. Qoy soyunsunlar, küçədəki kişilər də baxıb həzz alsınlar.

Bu da sadaladığım gəncliyin problemlərindən biri idi. Çünki Azərbaycan gəncinin ən böyük problemi onu müxtəlif yollara sapdıran bu cür çirkin təbliğatlardır. Azərbaycan xalqı min illərdir ki, öz mədəniyyətini seçib və inkişaf etdirir. Və bu belə də davam edəcək. Gəlin Azərbaycan gəncliyinin maarifi, milli-mənəvi dəyərlərinin inkişaf naminə birlikdə mübarizə aparaq. Dinindən, kimliyindən, irqçiliyindən, rəngindən asılı olmayaraq.