"Ey insan! Sən çətinliklə (də olsa) çalışıb Rəbbinə doğru gedirsən! Sən Ona qovuşacaqsan!" (İnşiqaq surəsi-6)
Dünyanın haylı-küylü həyatı insanı çox vaxt varlıq aləmindən və bəzən hətta ən yaxınlarından belə qəflətdə saxlayır. Bu da insanının təbiəti ilə bağlıdır. Bəziləri "insan" sözünü bəziləri "nisyan" - yəni unutqan kimi mənalandırır və insanda unutqanlıq xasiyyəti daha çox müşahidə olunur. Qəflət və xəbərsizlik, özünə qapanma və həyatın mənası haqqında düşünməmək, Yaradanını axtarmamaq, mənəvi aləmdən xəbərsizlik və nəhayətdə, bu aldadıcı dünyada maddiyata qərq olub şəhvət ardınca sürünmək kimi xüsusiyyətlər, insanı çox vaxt onu Yaradandan, ona nəzarət edəndən, ona həyat verəndən və ən başlıcası, onu bu həyata nəyə görə gətirildiyindən qəflətdə qoyur. İnsan əvvəl yox idi, onu yaradan var. Necə ki, Quranda oxuyruq: "İnsanın elə bir dövrü olub keçmişdir ki, o, xatırlanmağa layiq bir şey olmamışdır! Həqiqətən, Biz insanı (sonrakı mərhələdə) qarışıq bir nütfədən yaratdıq. Biz onu imtahana çəkəcəyik. Biz onu eşidən, görən yaratdıq." (İnsan surəsi, 1)
Hər halda belə bir maddədən yaranmış insanı, Allah-taala yaranmışların ən şərəflisi qərar verir. Allah-taala buyurur: "Biz, Adəm övladını şərəfli və hörmətli elədik, onları suda və quruda (gəmilərə, heyvanlara və başqa nəqliyyat vasitələrinə) mindirib sahib etdik, özlərinə (cürbəcür nemətlərdən) təmiz ruzi verdik və onları yaratdığımız məxluqatın çoxundan xeyli üstün etdik." (İsra surəsi, 70). Bəs insan bütün bu ehtiram və Allah-taalanın ona verdiyi nemətlər müqabilində nə edir? Cavab: Tüğyan! Bu gün Allahın nemətindən bəhrələnib Onun insanların səadətə qovuşmaqdan ötrü yolladığı müqəddəs Quran-Kərimə ehtiramsızlıq edənlərə nə ad vermək olar?! Tüğyan! Şeytan! Əsl müsəlman olan kəs harda olmasından asılı olmayaraq, belə həyasızların qarşısını almaqdan ötrü müqəddəs Quranla daha da yaxından tanış olmalı və Allah-taalanın bu müqəddəs kitabda buyurduqlarına əməl etməklə Quran və Əhli-Beyt (ə) məktəbini lazımı qaydada insanlara çatdırmalıdır. Belə olmasa, insan şeytan və şeytanpərəstlərin toruna düşə bilər. Necə ki, Allah-taala onu da Quranda buyurur: "Xeyr, insan azğınlıq (tüğyan) edər. Özünün dövlətli (zahirdə özünün azca ehtiyacsız) olduğunu gördüyü üçün! Axı sənin axır dönüşün Rəbbinədir!" (Ələq surəsi, 6,7,8).
Quranın başdan-başa elmi və mənəvi möcüzəliklər olması bəhsinin ardınca silsilə elmi məqalələrlə davam edəcəyik. İlk elmi bəhsimiz yaşadığımız və eyni halda qəflətdə olduğumuz dünyadan, daha doğrusu, yer kürəsindən və Qurani-Kərimdə Yer kürəsi haqqında müxtəlif cəhətlərdən son dərəcə dəqiq və elmi açıqlamalardan başlayırıq. Əlbəttə, məqalənin həcmini nəzərə alaraq, bu bəhsləri müxtəlif fasilələrlə (ən azı on məqalədə) davam etdirəcəyik. Maraqlananlara məqalələri ardıcıl izləmələri məsləhət görülür.
Beləliklə, yaşadığımız Yer kürəsi nədir? Nə vaxt yaranıb? Varlıq aləmində hansı mövqedə qərar tutub? Əvvəli necə olub və sonu necə olacaq? Yer kürəsi haqqında tarixdə yanlış və düzgün fərziyylər hansılardır? Yer kürəsi Günəş sistemində hansı vəziyyətdədir? Və sair... Nəhayət, Allah-taala bütün varlıq aləmində Yer kürəsi haqqında Quranda hansı işarələr və mövzulara toxunmuşdur?
Yer sözü - ərəb dilində "əl-ərz" sözü olub, Yer kürəsinə, quruya, yerin səthinə və yerdə bitən şeylərə aid olur. (Möcəmu məqayisul-lüğət, c.3;səh,47) Yer, Günəş sistemində üçüncü planet olub, orbiti Venera və Mars planetlərinin arasında yerləşir.
Yer canlı varlıqların yaşadığı yeganə planetdir. Alimlərin nəzəriyyəsinə görə, bu planet təqribən 4-5 milyard il bundan əvvəl yaranıb. Yeganə təbii peyki Aydır. Yer səthi çox müxtəlif və eləcə də girintili-çıxıntılıdır. Onun kütləsinin 95-97 faizi birinci beş yüz milyon il ərzində yaranmışdır.
Yer səthi 510 milyon kv.km bərabərdir. Ondan 362 min kv.km-i və ya 71 % -i okeanın, 148 milyon kv.km və ya 29%-i qurunun payına düşür. Yer səthinin şimal yarımkürəsində qurunun sahəsi 39.4 %, suyun sahəsi isə 60.6 faizdir. Cənub yarımkürəsində qurunun sahəsi 19%, suyun sahəsi isə 81 faizdir.
Günəş sisitemnin yaranması və o cümlədən Yerin də orada qərar tutuması haqqında qədimdən bir çox fərziyyələr mövcuddur. Böyük partlayış; Bu fərziyə müasir zamanda ən məşhur və qəbul olunmuş astronomik fərziyyədir ki, Günəş sisteminin o cümlədən, Yerin üaranmasına da aiddir. Stiven Vilyam Hokinq (1942, Böyük Britaniya) - müasir dövrün ən məşhur və ən nüfuzlu fizikaçısıdır. O, özünün "Zaman tarixi" kitabında müasir astornomların ən çox qəbul etdikləri nəzəriyyəni belə şərh edir:" Təxminən, 20 milyon il bundan əvvəl kainatda olan maddə və enerjilər bir nöqtədə sıx halda qərar tutumuş və qəflətən bu sıx kürədə böyük bir patlayış baş verir və maddələr yüksək sürətlə fəzaya dağılır. Ehtimal var ki, bir müddət bu maddələr dağınıq halda fəzada qalır və bugünkü kainatın bütün üzvləri o böyük patlaüışın nəticəsindən sonra vücuda gəlməyə başlamışdır."
Mütləq qüdrət sahibi Allah-taalanın varlıq aləminin yaranması haqqında Qurandakı işarələrini qeyd etməzdən əvvəl, onu diqqətə çatdırmaq istərdim ki, Allah-taalanın Quranda göstərilən elmi möcüzələrini inkar edənlər gözlərini bir az ovuşdursunlar və qəflət yuxusundan ayılıb müqəddəs Qurana tututuqları iradlar haqqında bir az təfəkkür etsinlər. Əlbəttə Quranın dili ilə desək çoxlarının zahirdə gözü var amma kordurlar, dilləri var amma kardırlar, qurlaqları var amma kardırlar. Bütün bunların səbəbi isə Allah-taalanın başdan-başa qüdrət və əzəmətini yaratdıqlarnda nə görmək istəyir, nə onlardan danışmaq istəyir və nə də eşitmək istəyir. Allah-taala Quranda bu haqda buyrur: "Kafirlər səda və nidadan (çığırtı və bağırtıdan) başqa bir şey anlamayanlara (heyvanlara) bənzərlər. Onlar kar, lal və kordurlar. Buna görə də haqqı dərk etməzlər." (Bəqərə surəsi 171)
Amma, elm və mərifət əhlinə çatdırmaq istərdim ki, Qurandan təqdim edəcəyimiz bu elmi açıqlama 14 əsr bundan qabaq müasir elm və texnikadan o qədər də xəbər olmayan bir dövrdə hətta, məşhur İtaliya astronomu Qalileyin (1564) ən adi teleskopun kəşf etməsindən təxminən, 950 il əvvəl müqəddəs Quranda gəlmişdir. Müasir elmin və texnikanın inkişafına baxmayaraq hələ də bəşər yaradılış nəzəriyyəsini ehtimalla verirlər. Allah-taala Quranda kainatın yaranması haqqında buyurur: "Sonra Allah tüstü (yaxud qaz) halında olan göyə üz tutdu (göyü yaratmaq qərarına gəldi)." (Fussilət surəsi,11) Başqa bir ayədə həmin mövzuda oxuyuruq:
"Məgər kafir olanlar göylə Yer bitişik ikən Bizim onları ayırdığımızı, hər bir canlını sudan yaratdığımızı bilmirlərmi?! Yenə də iman gətirməzlər?" (Ənbiya surəsi, 30)
Görəsən mənəviyyatdan xəbərsizlər və Quranın elmi möcüzəsini inkar edənlər Quranda bu ayəyə rast gəlməyiblər?! Bu, Allahın qüdrətini, əzəmətini sübut edən ən tutarlı dəlillərdəndir. 14 əsr astranomların baş sındırıb kainatın əvvəldə topa qaz şəkilində olmasını kəşf edən "böyük bir tapıntını" Allah-taala bir ayədə (cümlədə) açıqlayır. Elə ona görə də Qurandakı cümlələrə ayə (əlamət, əzəmət) deyirlər. Allah-taala o zamankı cəmiyyətdə işləri ancaq qan tökmək, dəvə otarmaq, daşdan öz əlləri ilə yonub düzəltdikləri bütlərə tanrı deyən insanlara bundan artıq nə deyə bilərdi?! Həmin o bir kəlməni müsair nonotexnologiya dövründə ən məşhur astronomlar dəqiqləşdirə bilməyiblər.
Əlbəttə yenə də qeyd etmək yerinə düşərdi ki, Quran, söz, hikmət və xoşbəxt həyat möcüzəsidir. Quranda belə elmi mövzulara yalnız, işarələr olmuşdur ki, bəşər bu gün bütün elmi qüdrəti ilə o xırda işarələrin üstündə ixtilaf nəzəriyyə veririlər. Doğurdan da Allah-taala nə gözəl buyurmuşdur:
"Göylərin və yerin açarları (ixtiyarı) Onun əlindədir...... O, hər şei biləndir!" (Şura surəsi, 12)
Məqalənin ardı var....
|
