Gənc adam gül mağazasının önündə maşınını saxlayır.

O bir dəstə gül bağlatdırıb, birgə yaşamadığı anası üçün hədiyyə göndərmək istəyir. Maşından endiyi zaman, səkinin kənarında oturub ağlayan bir qız uşağını görür.

Gənc adam, bu qız uşağının yanından laqeydliklə ötə bilmir. Ona yaxınlaşaraq soruşur: "Niyə ağlayısan? Nəsə bir hadisə baş verib?"

Qızcığaz deyir: "Anama gül almaq istəyirdim, amma pulum çatmır".

Bunu eşidən gənc gülümsəyərək deyir: "Gəl mənimlə gedək, sənə gül alım."

Və gənc onun əlindən tutub gül mağazasına daxil olur. Qıza gül alır və həm də anasına göndərmək üçün daha bir dəstə gül sifariş edir.

Onlar mağazadan bayıra çıxanda gənc adam qıza deyir: "Gedəcəyin yeri de, səni aparım."

Qızcığaz sevinərək razılığının bildirir.

Qız onu qəbiristanlığa tərəf aparır. Onlar yenicə qazılmış bir məzara yaxınlaşırlar. Qızcığaz əlindəki gülü həmin məzarın üzərinə qoyur. Bu onun anasının məzarı idi...

Hadisədən təsirlənən gənc, gül mağazasına geri qayıdır. Bir az əvvəl verdiyi sifarişi götürüb ondan 200 km uzaqda yaşayan anasına baş çəkməyə gedir...