Yazının I hissəsi

http://faktxeber.com/yazar_25_205_B601351601ri%20nizamlar305n%20sonu%20art305q%20yax305nla351305b%20I.html

Yazının II hissəsi

http://faktxeber.com/yazar_33_205_C601miyy601tl601rin%20601c601li.html

Bu gücə iman edənlər, bu gücün qiyamətə qədər sürəcəyinə inanan, tarixə baxmayıb xəyal dünyasına dalanlar indi susurlar. Söyləyə biləcək heç bir şeyləri olmadığından. Tarixin sonunun Amerika olduğunu söyləyənlər susur indi, ya da sözlərini gəvələyib dayanır, nə dediklərini özləri belə bilmirlər.

Amerika son super güc (idi), artıq bu həqiqətlə yaşamağa öyrənməniz lazımdır. Gələcəyin dünyasında heç bir ölkənin bu qədər güc əldə etməsinə icazə verilməyəcək. Obama iqtidara gəlsə də, təməldə heç bir dəyişiklik olmayacaq. ABŞ-ın zəiflikləri eynilə qalacağı kimi, ehtirasları da sönməyəcək.

Bu, göründüyü qədər sadə bir böhran deyil. Bu, bir seçkilə öhdəsindən gəlinəcək vəziyyət də deyil. Böhranı kiçik hesab etmək böyük bir səhv idi. Obamanın həll edəcəyinə inanmaq ikinci böyük səhv olacaq. Həqiqətlə üzləşmək istəməyənlər, bu cür kiçik stansiyalarda dayanır. Həm özlərini həm də milyonlarla insanı aldadır!

Reklam və media adlandırıan sirk güzgülərinin cücələri uca, ucaları cücə göstərən sirləri açılmağa başlayır. İnsanları cəzb edib arxasınca gəlməyə həvəsləndirən, maneken rolunu oynayan cadugərin maskası düşür, dişini ağardan makiyajı tökülür. Dünyaca məşhur "Forbes" jurnalına görə, böhranın ABŞ-a zərəri onlarla trilyon dollar ola bilər. ABŞ dolları çökmək üzrədir. Artıq dollar, dolmur, boşalır.

Məhvin müasir görünüşləri

Tarixin məhvolma hadisələri təkrarlanmamasını, qədim qövmlərin başına gələn fəlakətlər, içində yaşadığımız cəmiyyətlərə çatmamasını istəyiriksə, məhvolma səbəblərini tamamilə dərk etmək məcburiyyətindəyik. İbrət götürülmədiyi müddətdə, tarixin təkrarlanacağını unutmamalıyıq. Qurani-Kərim sırf ibrət götürək, bizdən əvvəlkilərin başına nələr gəldiyini bilək və eyni təhlükəli yolu tutmayaq deyə, yer üzündə gəzib qədim qövmlərin vəziyyətini öyrənməmizi istəyir. Bu səbəbdən də, məhv olan qövmləri ayrı-ayrı izah edir.

Onun icazəsi olmadan həlak yoxdur. Ona görə, O istəmədikcə dünyadakı bütün insanlar və imkanları bir araya yığılsa belə, bir insana ən kiçik fayda və ya zərər verə bilməzlər. Ona görə də, təhlükə, insanlardan gələcək şeydə deyil; öz əlimizlə etdiyimiz və edəcəyimiz günahların cəzası olaraq Allahın cəzalandırmasındadır.

İnsanoğlu, günahkar olduğunu, əlləriylə etdiklərinə görə məhvə layiq olduğunu, vicdan məhkəməsinin qərarıyla anladığına görə, yaxın gələcəkdəki məhvolma narahatlıqlarının cəzasını indidən çəkməyə başlayıb. Mediada tez-tez yaxın gələcəkdəki qıtlıqdan, quraqlıqdan, iqlim dəyişikliklərindən bəhs edilir. "İnsanların öz əlləri ilə etdikləri böyük günahlar üzündən suda və quruda fəsad (zəlzələ, tufan, qıtlıq, xəstəlik, müharibə, qətl, əmniyyətizlik) aşkar olur. Bununla Allah onlara etdiklərinin bəzisini daddırır ki, bəlkə Allaha tərəf qayıtsınlar." ("Rum" surəsi, ayə 41).

İctimai fəsada və yer üzünün nizamını pozacaq ətraf fəlakətlərə gətirib çıxaracaq zərərli davranış və pis hərəkətlərə, ibrət olsun deyə dünyadaykən verilən qarşılıqlar üçün "bir qisimi" deyilməkdə və əsl cəzanın axirətdə olduğuna işarə edilməkdədir.

Məhvolma gəlib çatmadımı?!

Qurana təslim olub onun hökmünü tətbiq etməyən insanlar, özünün və nəsillərinin də məhvinə səbəb olacaq fəsaddan xilas ola bilmirlər. Ozon təbəqəsinin deşilməsi, kosmosun bir çox peyklərlə örtülməsi, "ulduz döyüşü" deyə ad verilən, içində toplu qırğınlara gətirib çıxaracaq silahların kosmosda belə "şıllaq atması", meşələrin məhv edilməsi, zərərli zənn edilərək saysız həşaratların torpaqlardan, ərazilərdən yox edilməsi, dənizlərin neft və bənzər tullantılarla çirklədilməsi, insanın məhvini hazırlayan və qismən indidən cəzasını çəkdiyi fəsadlardan sayıla bilər. Bu fəsad və fitnənin cəzası, yalnız onu etməkdən çəkinməyən xalqlara və dövlətlərə xas deyil. Dünyanı çirkləndirib fəsada salanlar, bunun cəzasını günahsız insanlara da çəkdirirlər.