Hər gün düşünürəm. Soruşacaqsınız ki, nəyi? Nə bilim, hər şeyi. Hər şeyi deyən də ki, dünyanın yaranmasından, Qiyamət gününədək. Nə ağlıma gəlir, türklər demiş "kafam ona takılıyor". Fikirləşirəm ki, görəsən dünyada bu qədər təmiz ürəkli, bu qədər saf, bu qədər bacarıqlı, bu qədər alicənab və bu qədər ağıllı bir xalq varmı bizim xalq tək. Məncə yoxdur. Amma bu qədər sömürülən bir xalq da yoxdur. Bu xalqın xarici qüvvələr tərəfindən sömürülməsinə səbəb olanlarsa , bizim vətəndaşımızdır. Özlərini vətənpərvər kimi göstərən kəslərimizdir. Daha doğrusu onlar vətənpərvər deyil, Mirhüseyn qardaşımız demiş VƏ TƏNPƏRVƏRdirlər.

Dünən qardaşlardan biri telefon açdı ki, bəhs facebookda "FAKTXƏBƏRƏ "YOX" DEYƏK!" adlı qrup yaradılıb. Doğrusu əvvəl əhəmiyyət vermədim. Amma sonra ilgimi çəkdi. Axtardım tapdım.  Qrup üzvlərinin 90 faizi Cənubi Azərbaycandan olan qardaşlarımızdır. Hansı ki, ömründə bir dəfə də olsun bizim saytın üzünü görməyibdir. Əhsən, yaxşı işləyiblər. Hətta bizləri, bu saytın ərsəyə gəlməsində xidmətləri olanları satqın, xain adlandırıblar. Bizi farslara işləməkdə, hətta biri bir az da uzağa gedərək, uzaq şərqə - Çinə işləməkdə ittiham ediblər. Nə var biz yazmışıq ki, Dalah Lama Amerikanın oyuncağıdır. Amma sən demə o, Tibet xalqının azadlıq simvolu imiş. Buraxın siz Allah. Azadlıq simvoluna bax. Onda PKK lideri, terrorbaşı Abdullah Öcalan da azadlıq simvoludur, Əl-Qaidə lideri Bin Laden də, hətta Əlikram Hümbətov da. Göstərin də bu üç nəfərin Dalay Lama ilə fərqini. Mən iki fərqini bilirəm: 1. Onların adları fərqlidir; 2. Yaşadıqları dağ massivləri başqadır.

Hamısı Türkçü olub, bozqurdçu olub düşüblər ortaya. Qardaşlar, qurd kimi ulamaqla, quzu kimi otlamaqla Vətən sevilmir, vətənpərvər olmur. Vətənini sevirsənsə, gün gələr qoyun olub süd verərsən, gün gələr qurd olub ovunu parçalarsan.

Əlimə qələm alandan, özümü tanıyandan sizin satqınçılıq dediyiniz işlə məşğulam. Amma yaşadıqca, yazdıqca hər cür satqını, xaini, pula namusunu satanı gördüm, tanıdım.

Bizi haqqı yazdığımız üçün satqınçılıqda suçlayırsız. Amma anlamırsınız ki, əsl satqınçılıq haqqı görə-görə onu danıb, haqqı deyəni satqın adlandırmaqdır.

Hər necə olsa, bir gün hamı hesab verəcək. Ən çox sevindiyim odur ki, hesab vaxtı sizdən fərqli olaraq haqqı söyləyənlərin cərgəsində olacam.

Hər zaman həyatda hansısa dəyişikliyə nail olmağa can atmışam. Əvvəl özümdən başladım. Çox şükür, gec və güc də olsa öhdəsindən gəldim. Nələrdən imtina etmək lazım idisə, nə məni uçuruma çəkirdisə, nə məni mənəviyyatsızlığa sürükləyirdisə, onlardan imtina etdim. Həm də bilmərrə.

Sonra ailəmdən başladım. Çox şükür ailəmdə problem yox idi və dəyişdirməyə heç bir şey tapmadım. Namuslu, Vətənini sevən, alnıaçıq, təmiz bir ailəyə sahibəm.

Ətrafımı da dəyişdirdim. Çirkli işlərdə olanlardan imtina etdim, uzaq durdum.

Özümçün yeni bir ətraf qurmalı idim və onu qurdum. Hər nəyin qarşılığında olursa-olsun namusunu, əxlaqını, dolayısıyla Vətənini satmayacaq bir ətrafa sahibəm.

Düzdür, bütün bunlara böyük bir səbr və təmkin lazım idi. Çox şükür ki, o haqqa sahibəm.

Bütün bu dəyişikliklərin fonunda dəyişən bir şey də varmış, amma mən hiss etməmişəm. İnsanlarımızın düşüncə tərzi də mənimlə bahəm dəyişibmiş.

Bizi satqınçılıqda ittiham edənlər bu dəyişikliyin ünsürləridir. Qrant mafiyasının qulu olub, haqqa kor olan ünsürlər. Aldığınız qrantlarla bu ölkəni səfalətə, binamusluğa, əxlaqsızlığa sürünməsinə xidmət etdiniz. Necə vətənpərvərsiz ki, necə satqın deyilsiniz ki, qrant aldığınız ölkələr doğma Qarabağımızın azadlığı üçün bütün qapıları üzümüzə bağlayıblar. Bir tək açıq qalan müharibə qapısında isə quduz köpək kimi bizə diş qıcardırlar. Sizlərsə aldığınız qrantlar müqabilində ATƏT-lərin, NATO-ların, Avropa Şuralarının çaldığı havaya oynayır, namusumuzun tapdalanmasına göz yumursunuz. Və nəinki göz yumursunuz, bunu bizlərə "Avropaya inteqrasiya" adı ilə yedirtmək istəyirsiniz.

Sizin satqın dediyiniz şəxslər biz deyil, müsəlmanam deyib, hər gün yüzlərlə müsəlmanın qanına qəltan olunmasına seyrçi qalan sizlərsiz. Sizlərsiz ki, uşaq qatillərini söyən bizləri satqın adlandırırsınız. Sizlərsiz ki, hamilə qadınlara təcavüz edənləri ifşa edən bizləri satqın adlandırırsınız. Sizlərsiniz ki, 500-dən artıq uşağa təcavüz edib, cinsi əlaqədə olan Qərbin mənəviyyat xadimləri hesab edilən keşişləri ifşaedici yazılarla çıxış etdik, amma siz susdunuz. Bunların niyəsini mənə başa sala bilərsinizmi?

Siz deyirsiniz ki, bütün bunları gör, hiss et, düşün, amma sus, izah etmə və qəbul et, dəyişdirmə, müdaxilə etmə.

Bəziləri gəzib öyrənir, bəziləri oxuyub öyrənir. Onsuz da gəzməklə heç nəyə nail olan deyilsiz. Çünki gəzəsi olsaz, ya Amerikanın Dakota ştatına aparacaqlar sizi, ya da İsrailə. Ona görə də, məsləhət bilirəm ki, oxuyasınız. Oxuyun bizim yazılarımızdan, haqqı görün. Nahaqqı tanıyın. Özünüz dəyişin, ətrafınızı dəyişin, yeni ətrafa sahib olun.

Narahat olmayın, bu xalq qəhrəmanla satqını bir-birindən ayıra biləcək gücdədir. Ümid edirəm ki, haqqı deyib qəhrəmanların sırasında yer ala bilərsiniz.

Yox, sıranızı dəyişmək fikriniz yoxdursa, onda bu xalqın sizin kimi itə tapınan "qəhrəmanlara" ehtiyacı yoxdur. Bir vaxtlar Darvinin "Biz meymundan yaranmışıq" nəzəriyyəsini ortaya atanlar, daha sonra dünyada söz sahibi olan müsəlmanların böyük bir hissəsinin - Türklərin keçmişini bir yalquzağa bağlaması sizi niyə düşündürmür? Mən də türkəm, şəxsən mənim bütün keçmişim insan övladına bağlıdır. Və özümə rəva bilmirəm ki, mənim keçmişimi yırtıcı bir heyvana bağlasınlar.  Bunu sizlərə də rəva bilmirəm. Keçmişinizi heyvana bağlamayın.

Və son olaraq bu sözlərimi qulağınızda sırğa edin: xainlə qəhrəmanlar arasındakı fərqi sizlər deyil, tarix müəyyənləşdirəcək. Onlar kimə lazımdırsa "YOX" deyəcək. Əmin olun, o söz bizə deyilməyəcək!