Keçmişdə istismar növü belə idi ki, tutalım İngiltərə dünyanın o başından durub bu başına gələrək, hər hansı bir ölkəyə soxulub, zor və lazım gəlsə soyqırım törətməklə bu ölkəni öz istilasına çevirirdi. İndi isə bu istilaçılıq tam "modern" şəkildə, daha doğrusu hiyləgərliklə həyata keçirilməkdədir.

Müasir istismarda artıq ingilislər deyil, sionist yəhudilər daha fəaldırlar. Onlar tam fərqli olaraq, görünməz bir qoşunla ölkəyə hücum edir və o diyarı diz çökdürür. Onların görünməyən qoşunu, onların mətbuata və bəzi "ziyalı" və "politoloqlara" ötürdükləri pullardır. Dövlətləri isə hədə-qorxu və bəzən şirnikləşdirən vədələrlə ələ alırlar. Amma mənim məqsədim burada bir kəlmə haqqında olacaq. "Terrorist" kəlməsi. İkibaşlı və mənası bilinməyən və bəzən istənilən şəkildə məna olan bir kəlmə.

Əlbəttə, bu zəmində və buna oxşar kəlmələr çoxdur, demokratiya, söz azadlığı, hüqüq bərabərliyi və kimi digər kəlmələr ki, əslində sadəcə sionizm və hegemon dövlətlərin maraqlarının xidmətində duran sözlərdir. Başqa heç bir şey. Misal olaraq sizə qərbin və sionizmin məna elədiyi terrorizmi diqqətinizə çatdırım: Əgər bir müsəlman öz torpağını, müstəqilliyini qorumaqdan ötrü düşmənə hücum edirsə bu "terrorçuluqdur". Yox Əgər Amerika, İsrail, İngiltərə və bu kimi digər bir istismarçı rejimlər başqa bir ölkəni qəsb edib, işğal edib, hərbi libasla oraya soxularsa və yaxud havadan təyyarə vasitəsi ilə bomba yağdıraraq kütləvi şəkildə insanları qətliam edirlərsə, burada bu söz öz üzünü döndərib sülhməramlı mənasını daşıdığını dünyaya isbat edir. Nəticə etibarıyla onlar yaxşı terrorçular olurlar. Bu məqamda onlara qarşı hər hansı bir hərəkət, hətta hər hansı bir yazı belə yazsan, "təxribatçı" və terrorçulara dəstək verənlərin sinfinə daxil olursan.

Ancaq onlar bu yalanlarını və ölkələrə bu "azadlığı" diqtə etmək üçün zəmin yaratmalıdırlar. Onlar yaxşıları pis, pisləri yaxşı kimi qəbul etdirməkdən ötrü, bu dəfə dünyanın başqa bir yerində başqa bir hücum aparmalı və oranı bombalamalıdırlar. Təbii ki, bu bomba o biri bombalardan fərqlənməlidir. Məsələn əgər onlar Azərbaycan kimi istismar əlləri açıq olan bir ölkəni  bombalamaq istəyirlərsə, bunu başqa bir şəkildə həyata keçirməlidirlər. Onlar burada insanların, xüsusilə cavanların düşüncələrini bombardman edirlər. Ancaq bu bombalar dağıdıcı bombalar kimi deyil, qadağan olunmuş kimyəvi-bioloji bombalar kimidir. Yəni tədricən millətimizin milli-mənəvi və tarixdən qaynaqlanan kimliyini öldürür. Bu hücumu isə gecə-gündüz kütləvi informasiya vasitələri və mənəviyyatdan uzaq proqramlara pul ayırmaqla həyata keçirməkdədirlər. Bu gün müxtəlif fond və səfirliklər qəzet və hətta telekanalları maliyyələşdirərək məhz öz maraqlarına uyğun şəkildə onları idarə etməkdə və xalqın düşüncələrini öz məkrli siyasətləri ilə doldurmaqda və insanları istədikləri istiqamətə yönəltməkdədirlər. Amma nə edək ki, müstəmləkədəyik və bu hücumların qarşısında hər hansı bir insandan özünü qoruyub saxlamaq ondan möhkəm inanc, iradə və açıq düşüncə tələb edir.