1999-cu ildə ilk dəfə olaraq beynəlxalq Quran qiraəti yarışlarında
iştirak edirdim. Dünyanın 57 ölkəsindən seçilmiş Quran qiraətçiləri və
hafizlər dəvət olunmuşdu o müsabiqəyə. Çox möhtəşəm bir yarış idi. O
günlərdən yaddaşımda silinməz xatirələr var. Təqribən on gün ərzində
ancaq Quran süfrəsində olmaq, Quran oxuyub, Quran dinləmək, Dünyanın ən
önəmli Quran ustadları ilə həmsəfər olmaq və sayir və ilaxır. Bunlar
heç zaman unutmayacağım, özümlə qəbr evinə belə aparacağım misilsiz
xatirələrimdəndir mənim.
Amma əfsuslar olsun ki, o gözəl günlərimizi, təmiz süfrəmizi bulandıranlar da oldu o yarışda.
Bu yarış həm də ona görə yaddaşımdan silinməykəcək ki, ilk dəfə mən Vəhhabilərin qara simasını o zaman görmüşdüm.
Adlarını eşidib üzlərini görmədiyim qaraüzlülər ilk dəfə o yarışda
qara üzlərini görsətdilər mənə. O olmaz, bu olmaz, o haramdı, bu
haramdı. Bir sürü "olmazlar" -la yadımda qaldılar. Sanki onların
məzhəbində "qadağa"-dan və "olmaz" -dan başqa bir şey yox imiş.
Kefimizi yaman pozmuşdular. Şəkil çəkdirmək istəyirdik, qaçıb
gizlənirdilər ki, haramdır. Ziyarətə getmək istəyirdik, "şirkdir,
olmaz!" - deyirdilər. Mən bu "olmazlardan" bezara gəlib "Bəs sizdə nə
"olar?", nə haram deyil?" -deyə soruşduqda isə "Belə təhqiramiz suallar
vermək olmaz!" -deyə narahatlıqla yenə də "olmaz!" -dedilər.
Sonralar daha geniş araşdırıb gördüm ki, doğurdan da onlar qadağalar və "olmazlar" -la dolu bir məzhəbə qulluq edirmişlər.
Mən də öz növbəmdə bütün bu "olmazlar" -dan bunu anladım ki, bu
Vəhhabiləri yaxın buraxmaq olmaz! Onlar çox təhlükəlidirlər. Onları
yaxın buraxdıqda insanın qanına, canına və beyninə sızırlar. Onlar bir
insanı, bir milləti, hətta bir dövləti belə özlərinə alət edə bilirlər.
Kimlərinsə "podderjkaları" ilə günü-gündən boy atan bu "quruplaşma"
pul, para, "denqi" və sairə şeylərin gücüylə görün haralara gəlib
çıxıblar?! Mən deyim siz dəhşətə gəlin!
Bir müddət əvvəl "Günəbaxan" verilişində bir küçəbəyinin
Qurani-kərim və onun ayələrinin kalliqrafik şəkil kimi divarlardan
asılmasının haram və şirk olmasını iddia edən vəhhabi yönlü nağıllar,
indi bir balaca başqa formada bəzi rəsmi dairələrdən eşidilməyə
başlayıb. Otaqlardan Quranlar, ayələr, xəttatlıq nümunələri
yığışdırılır. Bunlar eyni ssenarinin zəncirvari davamı deyilmidir?!
Son zamanlar siz bir Azərbaycanımıza baxın! "Məscid tikmək" olmaz!
"Azan vermək" olmaz! "Kərbəla şəhidlərinə əza saxlamaq" olmaz!
"Peyğəmbərin (s) şəhadəti günü yürüş etmək" olmaz!
Bu "olmazlar" sizcə hardandır?!
Yoxsa Vəhhabilərlə mübarizə apararkən, onları dərindən araşdırarkən pula-paraya rast gəlib özümüz də dönüb Vəhhabimi olmuşuq?!
Nə deyim valla? Atalar yaxşı deyiblər: "Pul köpəyoğlu şeydi!".
Salam qardasim Allah qelemine bereket versin. yaz ki, men ve menim kimi yatmishlari belke oyadasan. Milletimiz bunlari dushunseydi goresen neler olardi?
