Uzun, amma incə bir yolçuluğa çıxmışıq. Hər bir
səyahətin əvvəlində atılan ilk addım sonrakı addımlar üçün bir zəmindir
deyiblər. Üç il bundan öncə Azərbaycan sənətçiləri "Eurovision" mahnı
müsabiqəsinə qatılanda hər kəsin qəlbində bir sevinc və ümid hissi
yarandı. Siyasi oyunların mərkəzinə çevrilən Avrovijnda Azərbaycan
reallıqlarını musiqi formatında çatdırmaq şansının yaranmasını illərdir
görə bilmədiyimiz piar kopmaniyasına uğurlu start olacağını düşünürdük.
Belə desək, "vision of tomorrow", yəni gələcəyin görünüşünü bu gündən
formalaşdıra bilmək şansı qapımızın önündə idi. Xalqın
mədəni-mənəvi-siyasi tarixini musiqi vasitəsi ilə Avropa və dünya
birliyinə çatdırmaq üçün "Eurovision" çox əlverişli bir vasitə rolunu
oynaya bilərdi. Hər bir ideyanın cəmiyyətə çatdırılması üçün lazım olan
4 əsas prinsipi- target, message, messenger, feedback- bu müsabiqədə
gözəl formatda tətbiq etmək olardı. Necə ki illərdir bu metod ilə öz
mənfur ideyalarını dünyaya sıramağa çalışan Ermənistan (böyük
Ermənistan planı) və İsrail (böyük İsrail planı) "Eurovision"dan çox
"məharətlə" yararlanırlar. Ötən ilki yarışmada hər iki ölkə
millətlərinə xas və siyasi xarakter daşıyan keyfiyyətlərini bütün
dünyaya nümayiş etdirdilər.
Bəs biz nə etdik?! Bu illərdən necə dəyərləndik?! Niyə bu gün söhbət
"Eurovision"da Azərbaycanın təmsilçiliyindən düşəndə, hamı qısa
yupkalardan, milli mentalitetə yad əxlaqdan danışır?! Axı bizim Avropa
və gələcəyə baxışımız bundan ibarət olmalı deyil.
Çox sadə və milli iradə ortalığa qoymaqla "Eurovision" kimi siyasi
xarakter daşıyan musiqi yarışmasında Azərbaycanın aşağıda göstərəcəyim
formatda iştirakı bizə ancaq uğurlu gələcək vəd edə bilər. Heç kəsə
sirr deyil ki, Erməni lobbisi illərdir Qərbdə Azərbaycanı işğalçı ölkə
və təcavüzkar bir xalq kimi tanıtdırmağa çalışır. Demək, ən azından
bizim Avropada gələcək üçün (vision of tomorrow) görünüşümüz özümüzü
sülhpərvər və əksinə təcavüzə məruz qalmış bir ölkə və mədəni xalq kimi
göstərməkdən ibarət olmalıdır. Bu məqsədə çatmaq üçün bizim ilk növbədə
hədəf qrupumuz (target group) seçilməlidir ki, indiki halda bu birbaşa
Avropa, dolayısı ilə isə dünya ictimaəti ola bilər. Təbliğ olunacaq
fikr, yəni Avropaya çatdırılacaq mesaj (message) yuxarıda
müəyyənləşdiyi kimi məhz mahnıda özünə yer almalı və xalqımızı təbliğ
edən sənətçi (messenger) vasitəsi ilə peşəkar səviyyədə hədəf qrupuna
çatdırılmalıdır. Cavab isə (feedback) alt səviyyədə yarışda
qiymətləndirmə zamanı, üst səviyyədə isə növbəti "eurovision"a qədər
gələcək idi. Amma...
Məhşurlardan birinin sözü ilə desək "tarixdən aldığımız yeganə dərs
bundan ibarətdir ki, biz tarixdən heç bir dərs almırıq". İndiki halda
da, müsabiqəyə plansız, filansız, açıq və lüt gedirik.
SALAM ALEYKUM.heqiqi cox menali bir meqaledi ama hami sizin kimi bizim kimi dusunmur.kecen ilki eurovisiona baxsaq ermeniler Azerbaycanin mahnisini ve hetda ermenilerin geyminI azerbaycanli hazirlayhib. bizimkiler ise yalniz bir seyi fikirlesirler qalib gelmek elbetde bizi sevindirer ama oz mentalitetmizi deyerlerimizi exlaqimizi yeterince temsil etsek onda qalib gele bilerik cox tessefku bunu dusunen azdi.
Qerbi Azerbaycanli
06-02-2010, 12:08:04
Men de sozun pis menasinda heyretler icindeyem...
Kobud seslenecek amma... Deyesen bizim senetcilerimiz yarismanin megzini sehv saliblar.
