Ötən günlərdə Facebook adlı sosial şəbəkədə bəzi dəyərli
dostlar ilə Statistika Komitəsinin verdiyi hesabata görə polemikamız
düşdü. Beləki, komitədən verilən məlumatda deyilirdi ki, 2009-cu ildə
dünyaya gələn körpə uşaqlara ən çox qoyulan adlar qızlarda Fatimə,
oğlanlarda isə Əlidir. Mən də öz növbəmdə İslam dininin insana dəyər
verməsindən və övladlara gözəl adlar seçməsindən söz açdım və Əli və
Fatimə adlarının uşaqlara qoyulmasının sevindirici hal olmasını
vurğuladım. Ancaq, bəzi qardaşlar nədənsə Əli və Fatimə adına
qısqanclıqla yanaşaraq bu adların ərəb mənşəli adlar olmasını əsas kimi
mənim qarşıma qoydular və hətta mənə ərəbləşməməyi tövsiyyə etdilər. Və
bir az da irəli gedərək Fatimə adının mənasının "süddən kəsilmiş"
olduğunu israrla bildirərək bu adları övladlara qoymaqdansa türk adları
qoyulmasını israrla tələb etdilər.
Həqiqətən, yalan informasiya insanları səhf yollara sürükləyə bilər.
Tarix boyu müsəlmanların düşmənləri hər bir vasitə ilə İslami
şəxsiyyətlərin adlarının yaşanmasına qarşı çıxmışlar. Bundan ötrü
istənilən vasitə və metoddan istifadə etməkdən belə çəkinməmişlər.
Fatimə adını "süddən kəsilmiş" kimi mənalandırmaqla insanlarda bu
adlara qarşı nifrət oyatmağa çalışmışlar. Ancaq, şükrlər olsun ki,
çəkilən əziyyətlər boşa çıxmışdır. Əli və Fatimə adları bu gün də
xalqın ən sevimli adları sırasında liderlik edir. O ki qaldı Fatimə
adına, buna da qısaca aydınlıq gətirmək istərdim. Beləki, ərəb dilinin
2 böyük izahli lüğəti var, "Lisanul-ərəb" və "Tacul ərus". O lüğətlərə
əsasən Fatimə sözünün mənası "birləşdirən" ve "vasitəçi" deməkdir.
Quranda da bu kəlmə yerlə göy arasında vasitə və birləşmə mənasında
işlənib.
Doktor Mürtəza Mütəhərri bu barədə necə gözəl buyurmuşdu: "Dinin
şüarlarını yaşadın, dinin şüarlarından biri də adlardır ki,
uşaqlarınıza gözəl adlar qoyun. Mən "filan ad moddan düşüb, köhnəlib"
deyənləri başa düşmürəm". Məgər adın da yenisi, köhnəsi olur?! Fatimə
filankəsin qulluqçusunun adıdır deyə, balasına Fatimə adını qoymaq
istəməyənləri başa düşmürəm. Çox təəccüblüdür! Bundan sonra biz
qızımızın adını Fatimə qoymayaq! Cammat! Övladlarınıza İslama aid adlar
qoyun (bu yaxşılığa çağırmaqdır). İslama aid olmayan adlardan çəkinin
(bu da pislikdən çəkindirməkdir)".
Mən Facebookdakı dostlarıma böyük dəyər verirəm, ancaq, bəzən onların
İslam dini ilə ərəbləşmək arasında fərq qoya bilməmələrinə çox
təəccüblənirəm. Əzizlərim. O adlar ərəb adları olduğu üçün gözəl ad
sayılmır. O adlar İslam dininin ən müqəddəs şəxsiyyətlərinin adı olduğu
üçün gözəl adlar hesab olunur. O insanlar bəşəriyyətin xeyir əməl
baxımından ən üstün şəxsiyyətləri olublar. Adlar insanları ucaltmır,
insanlar o adları öz uca əməlləri ilə yüksəldir.
Gardas heqiqeten sen yazanlarin hamisin oxuyuram. Olduqca gozel fikirlerin var. Bunlar cox deyerlidir. Tesdekkur eliyirem sene. Gorunur oxuduqlarin heder getmeyib. Sen hevesle yaz unutma ki, oxuyanlarin az deyil.
