Dekabrın 27-i Aşura günü idi. Amma bu aşura günü İranda hadisəsiz ötüşmədi. Yenə ölən oldu. Mən ölənlərin kim tərəfindən öldürülməsi haqda nəsə yazmaq istəməzdim. Ancaq ölənlər haqda bunu demək olar ki, onların birindən başqa qalan ölənlərin üstlərində "yaşıl iğtişaşçılar"-ı göstərə biləcək nişanə olmayıb. Bu da o deməkdir ki, ölənlər adi insanlardan olub. Bunu nəzərə almaq lazımdır ki, yaşıl inqilabın qanunlarına əsasən bəzən belə şübhəli ölümlər yaradaraq, cəmiyyətdə kimlərdənsə qəhrəman obrazı yaratmaqla yanaşı, beynəlxalq arenada da kütləvi informasiyaların köməkliklərindən yararlanıb, bundan lazımi istifalərin aparılması, inqilabi hərəkatın əsas amillərindən hesab edilir.
Amma əslində İran İslam Respublikasında nələr baş verir? Əgər biz bu iğtişaşların ilk günlərini yada salsaq görərik ki, əvvəlcə aksiyalar seçki sisteminə etiraz əlaməti olaraq başlasa da sonradan bu etirazlar öz rəngini dəyişərək "yaşıl iğtişaş" rəngi aldı. Rəng məsələsi ortaya çıxandan sonra bəlli oldu ki, artıq bu sadəcə etiraz yox, çevriliş planı və qərbdən qaynaqlanan bir haldır.
Amerika və beynəlxalq sionizm üçün İranda birbaşa dinsiz və laik hakimiyyətin gəlməsi qeyri-mümkün göründüyündən, bu iğtişaşların ilkin mərhələsində də məhz İslam rəngi olan yaşıl rəngdən istifadə etməklə yanaşı, Allahu əkbər və bu kimi digər İslami şüarlardan istifadə edilmə planını iğtişaşların aparıcılarına tapşırıq verilmişdir. Hətta, İslamın qəti düşməni kimi tanınan İsrail belə İrandakı iğtişaşları dəstəkləməsi ilə yanaşı, bu aksiyalarda məhz dini şüarların verilməsini tapşırırdı. Bu hadislərdə Amerika hər yerdən fərqli olaraq, siyasi cəhətdən özünü müdaxilə etməyən kimi göstərməsi anlaşılandır. Çünki İranda, dünyanın bir çox yerlərində olduğu kimi Amerikaya qarşı xüsusi nifrət mövcuddur. Belə olan halda Amerikanın özünü iğtişaşların himayəçisi kimi göstərməsi hazırlanmış bu plana xələl gətirə bilərdi. Odur ki, Amerika, özünü arxa planda saxlamaqla, maddi yardımlarını isə əlaltı iğtişaşçılara ötürülməsini məqsədə uyğun sayıb.
Qərbin İrandakı iğtişaşlar zamanı dini şüarlardan istifadə edilməsinin məqsədə uyğun hesab etmələrinin digər səbəbi isə, onların İranda sırf libearalizmin gətirilməsi deyil, "liberal İslam"-ın gətirliməsi, yəni üzərində ABŞ gerbi olan, formal İslamın müvəqqəti də olsa meydana gəlməsidir. Ancaq İranda olan dünənki, aksiyalarda isə bu inqilabın bəlkədə artıq rəngini itirdiyini və getdikcə fiaskoya uğradığını deyə bilərik. Çünki dünən iğtişaşlar zamanı qərbin himayə etdiyi iğtişaşçılar nəinki dini, birbaşa olaraq Qurani-Kərimi təhqir etməklə yanaşı bu müqəddəs kitabı yandırıblar. Aşura günü küçələrə çıxaraq dini atributlara təhqir edərək, məscidlərə soxulub, orada əza saxlayan dinc insanlara xəsarət yetiriblər. Bu işlər isə, ilk günlərdə dini şüarlarla çıxan, əslində isə tam zidd maraqlarla etiraz edən insanların iç üzlərini açıb və elə bu baxımdan da onlar öz uğursuzluqlarını bu şəkildə psixi gərginlik üzündən belə addımlar atmaq məcburiyyətində qalıblar desək yanılmarıq.
