Dünyada özünü insan haqlarının qoruyucusu və himayədarı kimi tanıtdıran Qərb, öz iyrənc mədəniyyətlərini müsəlmanlara sırıyıb, onları öz kimliklərindən uzaq etmək üçün gözəl sözlərlə ortaya çıxaraq, bizim mədəniyyətləri dolayısıyla qınıyıb, təhqir etməkdədirlər.
Bu məsələ Azərbaycanda xüsusi ilə qabardılır və hər gün hər hansı bir üzdəniraq qanunların Azərbaycanda qəbuluna çalışırlar. Vaxtaşırı Parlamentimizdə səslənən "gender" kimi "xoş görünən", əslində isə bu ad altında həmcinsbazlıq kimi insanlığa, kişiliyimizə, milli-mənəvi mentalitetimizə sığmayan qanunları tətbiq eləməyə çalışan Qərb və onların Azərbaycanda ələ aldıqları siyasi-ictimai təşkilatlar, hansı maraqlardan çıxış edərək bu qanunların tətbiqi üçün səy göstərmələri hər bir düşüncəli insana məlumdur.
Bizə Qərbə inteqrasiyanı, sanki bir arzular diyarına səfər kimi təbliğ edənlər, görəsən Qərbdə olan "mədəniyyət" və insanlığa zidd olan addımlardan xəbərdardırlarmı? Görəsən, Avropanın paytaxtı kimi tanınan Brüsseldən, qadın haqlarının Avropada qorunduğunu dəridən-qabıqdan çıxaraq təbliğ edən kəslər məlumatlıdırlarmı? Qərbin mədəni paytaxtı kimi tanınan bu şəhər küçələrinin bir neçəsində qadınlar, üzərində qiyməti asılaraq, çılpaq şəkildə vitrinə çıxarılıb satılır və kimlərsə də buna qadın azadlığı adı qoyur. Doğurdan da ana-bacılarımızı hara inteqrasiya etdiyimizdən xəbərdarıqmı? Vaxtılə Azərbaycan qadını öz ismət və iffətilə ad çıxarmışdı. Ancaq Qərbin bizim ölkəyə ayaq açmasından sonra cürbəcür çirkinliklər də ayaq açdı və nəticədə bu gün pozğunluq ayaq açıb yeriyir.
Bu gün xəbərlərin birində, İngiltərinin "Daily mail" qəzetinə istinadən yayımlanmış bir foto məlumatda oxudum ki, Londonda günün-günorta çağı qadınlar açıq şəkildə 3 min fund-sterlinq pul müqabilində qul kimi qarşı tərəfə satılır. Görəsən Qərb nöqteyi-nəzərində qadın azadlığı bunlardımı? Qadınları ailə qurmağa təşviq etmək əvəzinə, onları kimlərinsə cinsi istəklərini təmin etmək üçün alətə çevirmiş Qərb və onların üzdəniraq qanunları, görəsən bizə də örnək olmalıdırmı?
Bu gün bu iyrəncliklərə inteqrasiya əvəzinə, düşünmək lazımdır ki, biz öz kimliyimizə inteqrasiya etməliyik və bilməliyik ki, elmi cəhətdən Qərb kimi inkişaf etməklə yanaşı, Qərbin özünü bizim mədəniyyətə inteqrasiya etməsini təklif etməliyik. Hazırda Qərbin özündə İslama qarşı meyllərin artması, Qərb mədəniyyətinin artıq yalan və puç olmasını tam aydınlıqla üzə çıxarmaqdadır.
|
