Bismillahir Rəhmanir Rəhim. Bildiyiniz kimi bu günlərdə ölkəmizdə
yenidən mənəviyyatla bağlı səs-küylü hadisələr baş vermişdir. Yenidən
müxtəlif məmurlar tərəfindən Bakıda azanın səsləndirilməsinə qadağa
qoyulma istiqamətində səylər göstərilməyə başlanmışdır. Belə ki,
verilən məlumatlar nəticəsində məlum olmuşdur ki, Bakı şəhərinin bir
neçə məscidində azanın səsgücləndirici vasitələrlə verilməsində
maneələr törədilmişdir. Maraqlısı burasındadır ki, azan problemi təkcə
Bakı şəhərinin kənd və qəsəbələrində deyil, hətta Azərbaycanın digər
şəhərlərində belə qeydə alınmışdır. Yenə müxtəlif adlar, müxtəlif
isimlər və əsassız səbəblər göstərilərək, azan səslərinin kəsilməsi
istqamətində addımlar atılmışdır. Lakin çox şükrlər olsun ki, bu dəfə
də inanclı insanların inadkarlığı, dinə olan məhəbbəti və ən əsası
Allah hökmünə olan sayğısı bu məsələnin həll olunmasında böyük rol
oynadı. Qeyd etməliyəm ki, azan problemi baş verərəkən ölkənin əksər
dindar və ya qeyri dindar təbəqəsi, həmçinin islami və qeyri-islami
internet saytları bu məsələni gündəmə gətirməklə azan qadağasına öz
etirazını bidirmişlər. Ölkə əhalisinin azanla bağlı qadağa qərarına
etirazı, bu məsələnin müsbət həllində öz töhvəsini lazımınca verdi.
Məlumat üçün bildirim ki, 2007-ci ildə də məmurlar tərəfindən irəli
sürülən bu kimi qadağalar tətbiq edilməsi istənilsədə nəticə etibarı
ilə dindarların, ölkə ictimaiyyətinin buna qəti etirazlarından sonra
ölkə rəhbərliyinin dəxalətindən sonra məmurlar tərəfindən bu qadağanın
icra edilməsi dayandırlmışdır.
Sonda bir daha onu qeyd etmək istəyirəm ki, azan Allahın ən gözəl və
üstün olaraq bizlərə göndərdiyi İslam dininin bir simvoludur. Azan
İslam dinində sütun rolu oynayan namazın bir növ qapısıdır. Bu qapıya
toxunan hər bir şəxsi həm bu dünyada, həm də o biri dünyada böyük
bəlalar gözləyə bilər. Ona görə bu gün şeytanın istəklərini yerinə
yetirməklə, azana qadağa qoymaqdansa, Bakı şəhərində fəaliyyət göstərən
müxtəlif diskoteka və barlarda insanları narahat edən səslərin
kəsiləməsi daha münasibdir. Azanın səsindən narahat olan insanlara isə
İslam peyğəmbəri Muhəmmədin (s) bir hədisini misal gətirmək istəyirəm.
Allahın Peyğəmbəri (s) azan səsindən narahat olanlar barədə: "Şeytan
namaza dəvət səsini eşidəndə qaçar"-deyə buyurub.
P.S. Peyğmbər (s): "Göyün
əhli yer sakinlərindən azan səsindən başqa bir şey eşitmir".
Dizayn :Networkbil.net . 2009 FAKTXƏBƏR . Dərc olunan materilların mətninə görə, redaksiya heç bir məsuliyyət daşımır. Saytdakı materiallardan istifadə edərkən istinad zəruridir.
