Daima dünyada ədalətlə deyil, məhz öz maraqları naminə rəftar edən Amerika, bu gün Azərbaycana "sarı vərəqə göstərib". Xəbərdarlıq bundan ibarətdir ki, �əgər Azərbaycan Qarabağı müharibə yolu ilə almaq fikrinə düşsə, bu zaman Amerika Qarabağı müstəqil ölkə kimi tanıyacaqdır.�

ABŞ höküməti heç zaman Azərbaycanın torpaqlarının qaytarılması fikrində olmamışdır, elə bu cəhətdən də süründürməçilik siyasətini məhz Ermənistanın xeyrinə dəstəkləmişdir. Üzdə özünü Azərbaycanın ərazi bütövlüyünü tanıyırmış kimi göstərsə də, ABŞ höküməti daima Ermənistan maraqlarından çıxış etmış və məhz ötən il BMT-də Azərbaycanın işğala məruz qalması ilə əlaqədar keçirilmi səsvermədə, Azərbaycanın əleyhinə səs vermişdi. Bugünlərdə isə Azərbaycanın haqlı olaraq öz torpaqlarını almaq fikri, Amerika hökümətinin növbəti dəfə iç üzünü açmaqdadır. Odur ki, Erməni dostlarının çətinliyə düşə biləcəyindən narahat olan Amerika, hələ heç bir rəsmi açıqlama olmadan Azərbaycana xəbərdarlıq edib.

Artıq Azərbaycan tərəfi düzgün anlamalıdır ki, Qərb heç zaman, heç bir ölkənin ədalətli mövqeyini dəstəkləmir, xüsusi ilə Azərbaycan kimi kiçik və müsəlman ölkəsinin. Onlar yalnız və yalnız öz maraqlarını təmin etmək və ölkələrin sərvətlərini qarət etmək naminə bəzən ikibaşlı və aldadıcı cümlələr işlədirlər. Mənə elə gəlir ki, belə bir mövqeni Amerikadan başqa hər hansı bir ölkə tutmuş olsaydı, Amerika səfirliyindən qrant və dolayısı ilə maaş alan bəzi siyasətçilər, mətbuat işçiləri çoxdan hay-küy qoparıb, şantaja başlamışdılar.