Son zamanlar telekanallarda din-dən danışanların sayı artıb. Yazıma isə rəhmətlik Baba Pünhanın şerindən bir cümlə ilə başlayıram. Vəkil artist, vəkil şair, vəkil xanəndə və sair. Həqiqətən Baba Pünhana zəmanənin Sabiri adını boş yerə verməyiblər. Baba Pünhan bəlkədə telekanallardakı son günlər həqətə don geyindirən din-dən danışanları görüb: Vəhabi vəkil, vəhabi artist, vəhabi aparıcı və sair- deyərdi. Bəli düz başa düşdünüz yazını yazmağa mənə vadar edən məhs son zamanlar telekanallarda İslami vəhdətə xələl gətirən və din pərdəsi altında ekstremizmi üstü örtülü təbliğ edən şəxslərdən gedir. Qəribə burasıdır ki, bu cür şəxslər yavaş-yavaş artmaqdadır. Elə bil hansısa qüvvələr bu şəxsləri kənardan idarə edir və xalqın dini dəyərlərə olan məhəbbətini, inamını şübhə altına almağa və zehnində şübhə toxumu əkməyə yönəldilib. Hətta bir neçə müddət əvvəl millət vəkilinin sırf radikal vəhabi ideologiyasını telekanalda açıq izhar etməsini də görmüşəm. Adətən yeyib-içməyi sevən, parlamentdə bir-birini təhqir edən, hətta əlbəyaxa olan, bahalı maşınlara üstünlük verən, villalar sahibi olan deputatlara gözü öyrəşmiş izləyicinin birdən dindən danışan millət vəkilini görməsi, onu təəccübləndirir və əgər dini savaddan kasad olarsa rəğbət bəsləməsi ilə nəticələnir. Bəzi əyləncəli verilişlərdə isə şiə-sünnilər arasında ixtilaflar yaratmaq və bəzi mübahisəli məsələlərin ortaya atılması da artıq sezilməkdədir. Məsələn yeni efirdə görünməyə başlayan verilişlərdən birində kişiliyə yaraşmayan halda oynamağı çox sevən aparıcının: Ziyarətgahlar şirk ocağıdır, ziyarət edənlər müşrik-deməsinin İraqda, Əfqanıstanda və digər müsəlman ölkələrində məscidlərdə terror törədilməsi üçün fətva verən Vəhabi alimindən nə fərqi var? Və yaxud, millət vəkilinin Aşura günü keçirilən məclislərə irad tutması ilə Səudiyyənin saray muftisinin Aşura günü tədbirlərinə qadağa qoyması arasında böyük fərq görürsünüzmü? Bəlkə bəziləri bunu söz və fikir azadlığı ilə əlaqələndirəcəklər? Ancaq şükr Allaha ölkəmizdə dini və etiqadi dəyərləri təhqir edilməsini qadağa edən qanunlar mövcuddur. Necə ki, Sənət qəzetində Peyğəmbərimiz təhqir ediləndə Rafiq Tağı və Samir Sədaqətoğlu Cinayət Məcəlləsinin 283-cü (milli, irqi, sosial və ya dini nifrət və düşmənçiliyin salınması) maddəsi ilə həbs edildilər. Dini elmi adi dindar qədər olmayan bəzi millət vəkilləri və teleaparıcıları da məhs bu cür fitnələrə əl atmamağa çağırırıq. Əlbəttə ki, Azərbaycan dindarı günümüzdə əgər söz demirsə, bu o demək deyil ki, anti-islam təbliğatçılarının hiylə və fitnələrindən qafildir. İsrail rejiminin və yaxud ABŞ səfirliyinin səs gücləndirəni olan deputatların kimliyi məlum olduğu kimi, bu vəhabi əqidəlilər də zehnimizdə yadda qalırlar.Son olaraq bu vəhabi əqidəsini təbliğ edən vəhabi vəkil və vəhabi aparıcılar başda olmaqla Quran və Əhlibeyti olduğu kimi insanlara tanıtırılması yolunda tikan olmamağa çağırırıq. Çünki tikanlar ələ-ayağa batsada sonda zibilliklərə atılırlar.
P.S. Sözü gəlmişkən özünü gah dindar gah da şou men kimi aparan o, aparıcıya Kişi ol, özüvü kişi kimi apar!-deməyi özümə borc bildim.
Dizayn :Networkbil.net . 2009 FAKTXƏBƏR . Dərc olunan materilların mətninə görə, redaksiya heç bir məsuliyyət daşımır. Saytdakı materiallardan istifadə edərkən istinad zəruridir.
