Bu yazıda sizlərə yaşadığımız cəmiyyətdə mövcud olan başlıca problemlərdən biri haqqında söhbət açacağam. Cəmiyyətin problemlərindən biri olan hicab, öz aktuallığı ilə digərlərindən seçilir. Azərbaycan xanımlarının bu məsələyə laqeyd yanaşması, olduqca narahat edcidir. Nəyə görəsə qadınlar arasındakı dialoqlarda hicab sözü işlənən zaman, bəzi xanımlar ya bu məsələyə lazımınca diqqət yetirmir, ya da mövzunu dəyişməyə çalışırlar. Lakin bu mövzuya önəm verməmək böyük bir səhvdir. Gəlin bu məsələyə Qurani-Kərimin nöqteyi nəzərindən yanaşaq. Əl-Əhzab surəsinin 59-cu ayəsində Allah təala belə buyurur: Ya peyğəmbər! Zövcələrinə, qızlarına və mömünlərin övrətlərinə de ki, (evdən çıxdıqda cariyələrə oxşamasınlar deyə, bədənlərini başdan-ayağa gizlədən) çarşablarını örtsünlər. Bu onların tanınması (cariyə deyil, azad qadın olduqlarının bilinməsi) və onlara əziyyət verilməməsi üçün münasibdir.
Ayədən göründüyü kimi, Allah-təala müsəlman xanımlara, ümumiyyətlə İslam dininə iman gətirmiş bütün qadınlara hicaba örtünməyi əmr edir. Bizi yaradan Allahın əmrinə qarşı çıxmaq isə şübhəsiz böyük bir günahdır. Bəs nəyə görə, cəmiyyətimizdəki bir çox qadınlar bu ayəyə lazımınca diqqət yetirmirlər? Nəyə görə bu deyilənləri qulaqardına vururlar?
Əvvəla hər bir məxluq öz yaradanına tabe olmalı ona təzim etməlidir. Baxmayaraq ki, insanın iradəsi, zəkası var, ancaq bu o demək deyildir ki, insan mövcud olduğu bu dünyada başlı başına buraxılmışdır. İnsan daima Allah-təalanın nəzarəti altında olduğunu düşünməlidir. Nəyə görəsə insanlar fani dünyaya uyur və öz nəfslərinə tabe olurlar. Bu cəhətdən xüsusən də qadınlar fərqlənir. Ətrafımıza nəzər yetirdikdə əxlaqi prinsiplərə, milli mentalitetimizə və xüsusən də İslam qanunlarına zidd olan ağlasığmaz geyimlərin və hərəkətlərin
