Xəbər Lenti

İnfoqrafika

Arxiv

Yazar

16 Avqust

2019
12:34
Yaponiyalı tədqiqatçı Azərbaycanın neolit dövrünü araşdırır - FOTO

Yaponiyalı tədqiqatçı Azərbaycanın neolit dövrünə aid obsidian alətlərini araşdırır.

AMEA Arxeologiya və Etnoqrafiya İnstitutundan Faktxeber.com-a verilən məlumata görə, Tokio (Yaponiya) Universitetinin daş emalı texnologiyası (lithic technology) üzrə ixtisaslaşmış tədqiqatçısı Fumika İkeyama AMEA Arxeologiya və Etnoqrafiya İnstitutunun Arxeoloji Fondunda saxlanılan Azərbaycanın neolit dövrü məskənlərində aşkar edilmiş obsidiandan (dəvəgözü, maqmatik dağ suxuru, vulkanik şüşənin bir növü) hazırlanmış çoxsaylı alətlərin trassoloji analizini aparıb.

Tədqiqata əsasən, Göytəpə, Hacıələmxanlı və Damcılı abidələrindən tapılmış materiallar cəlb edilib. Tədqiqatın əsas məqsədi Azərbaycan ərazisində neolit dövründə yaşamış qədim əhali tərəfindən daş alətlərin (kəsicilər və qaşovlar) hazırlanma texnologiyasının öyrənilməsi, istər Cənubi Qafqaz, istərsə də Ön Asiya ərazisində neolit daş emalı texnologiyalarının oxşar və fərqli cəhətlərinin aşkar edilməsidir.

Yaponiyalı tədqiqatçıya elmi araşdırmalarda AMEA Arxeologiya və Etnoqrafiya İnstitutunun elmi əməkdaşı Əjdər Babazadə yardım edir.

Qeyd edək ki, yaponiyalı tədqiqatçı F.İkeyama bu ilin iyul-avqust aylarında Avey dağının şərq ətəyində yerləşən Damcılı düşərgəsində tədqiqatlar aparan Azərbaycan-Yaponiya beynəlxalq arxeoloji ekspedisiyasının iştirakçılarından biri olub.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Təhsil naziri olimpiada qalibləri ilə görüşüb

17

Yanvar
17:25
ELM / TƏHSİL
244

MSK DSK-nın qərarını ləğv edib

17

Yanvar
15:50
SİYASƏT
289

Bakıda maşından polislərə atəş açıldı

17

Yanvar
14:20
HÜQUQ,HADİSƏ
576
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


18-01-2020 05:41



  (+994 55) 786-96-84

  [email protected]

Valyuta.com

Рейтинг@Mail.ru