Uzun müddətdir efirə çıxmayan Türkmənistan dövlət başçı Qurbanqulu Berdimuhəmmədovun dünyasını dəyişməsi ilə bağlı daha bir iddia yayılıb.

FaktXəbər bildirir ki, adının açıqlanmasını istəməyən bir səlahiyyətli "Euronews"a deyib ki, böyrək çatışmazlığından əməliyyat olunan Berdiməhəmmədov eyni xəstəlikdən həyatını itirib. 

Buna qədər Türkmənistanın Rusiyadakı səfirliyi "TASS"a açıqlayıb ki, Berdiməhəmmədovun ölüm xəbəri yalandır. Lakin dövlət başçısının iyulun 15-dən bu yana harada olmasına dair bir məlumat verməyib.

Sonuncu dəfə iyulun 15-də kameralar qarşısına çıxan Türkmənistan prezidenti nəvələri ilə birgə görünmüş və kitab yazmaq üçün tətilə çıxacağını bildirmişdi.