Xəbər Lenti

İnfoqrafika

Arxiv

Yazar

25 İyul

2011
10:53
TOYLARIMIZ MİLLİ ADƏT-ƏNƏNƏLƏRƏ UYĞUN KEÇİRİLİR?
Xaçmazlılar toylarımızda spirtli içki verilməsinin əleyhinə çıxıblar

Azərbaycan Demokratik İslahatların İnkişafı Mərkəzi (ADİİM) İctimai Birliyi Azərbaycan Respublikası Prezidentinin yanında QHT-lərə Dövlət Dəstəyi Şurasının maliyyələşdirdiyi “Unudulan və unudulmaqda olan milli adət-ənənələrimizin dirçəldilməsi” layihəsi çərçivəsində regionlarda növbəti dəyirmi masasını Xaçmazda keçirib. Bu barədə FaktXeber.com-a ADİİM sədri Cavid Şahverdiyev  məlumat verib.

ADİİM sədri Cavid Şahverdiyev öncə bu layihənin 2010-cu ildə həyata keçirilən layihənin davamı olduğunu bildirib. C.Şahverdiyev qeyd edib ki, bu dəfə QHT-nin məqsədi milli toylarımız, orada ifa edilən rəqs və mahnılar, toy süfrəsinin “müasirləşməsi” və “avropalaşması” səbəbləri araşdırı, belə neqativ halların aradan qaldırılması yollarını müzakirə etməkdir. O, bildirib ki, bugünki Azərbaycan toyları milli şüurumuza, tarixi adət-ənənələrimizə uyğun keçirilmir.

Tədbirdə iştirak edənlər toylarımızın bugünki təşkilindən narazılıqlarını bildiriblər. Xüsusilə də toylarımızda şampanın verilməsinə etiraz edənlər onun şərbətlə əvəzlənməsi təklifi ilə çıxış ediblər. Tədbir iştirakçılarından biri Bakıda “Badi-səba” şadlıq sarayında gəlinlə bəyin müqəddəs Quranın altından keçirildiyi və sonra onlara şampan içirildiyinin səbəbini hələldə aydınlaşdıra bilmədiyini deyib: “Bu biyabırçılıq və heç bir əxlaqa sığmayan hərəkətdir”. Digər təkliflər də səslənib ki, bunlar arasında bu məsələnin parlamentdə qanuniləşdirilməsidir.

Nicat Xaliqoğlu

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


20-11-2018 11:57



  (+994 55) 786-96-84

  [email protected]

Valyuta.com