Xəbər Lenti

İnfoqrafika

Arxiv

Yazar

17 Oktyabr

2019
12:44
Rəsmi Bakı erməni soyadı olan rusların ölkəyə qəbul edilməməsinə münasibət bildirib

Rusiya Federasiyasının erməni soyadlı vətəndaşları Azərbaycana gələ bilər, lakin Qarabağ münaqişəsi ilə əlaqədar "emosional fondan" yayınmaq üçün ölkənin Moskvadakı səfirliyinə məlumat vermələri lazımdır. FaktXeber.com-un məlumatına görə, bu barədə Azərbaycanın xarici işlər naziri Elmar Məmmədyarov İzvestiya-ya müsahibəsində bəyan edib.

Qeyd edək ki, bir nüçə ay əvvəl Rusiya vətəndaşı Kristina Gevorgyan "Facebook"da yazmışdı ki, Bakıda Heydər Əliyev Beynəlxalq Hava Limanında 13 saat keçirib. O, tətilini Azərbaycanda keçirmək istəyib, ancaq hələ pasport nəzarətində dərhal dayandırılıb. Gevorgyan ondan başqa daha iki ailənin qohumlarından birinin erməni adı ilə əlaqədar Bakıya buraxılmadığını söyləyib.

Azərbaycan Xarici İşlər Nazirliyi Gevorgyan ilə yaşanan hadisənin "özəl hadisəni şişirtmə" cəhdi olduğunu deyərək, Azərbaycan-Rusiya münasibətlərində problem olmadığını vurğulamışdı. 

"Biz deyirik: Rusiya adı ilə Azərbaycana gəlmək istəyən erməni soyadlı bir vətəndaşınız varsa - Allah xatirinə! (buyursun - red.). Amma qoy heç olmasa səfirliyimizə məlumat versinlər, çünki Rusiya ilə vizasız girişimiz var, ancaq əvvəlcədən alınan məlumatlar, mövcud münaqişə (Qarabağ münaqişəsi - red.) ilə əlaqədar Azərbaycanda emosional fonu nəzərə alsaq, hər hansı bir xoşagəlməzliyin qarşısını almağımıza imkan verəcək. Biz həmişə Rusiya ilə bu mövzuda çox açıq danışırıq", - deyə Məmmədyarov nəşrə bildirib.

Məqalədə : Rəsmi Bakı Məmmədyarov 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Bu sürücülər 40 manat CƏRİMƏLƏNƏCƏK

22

Noyabr
16:57
NƏQLİYYAT
665

Hərbdə və mənəviyyatda generallıq

22

Noyabr
16:22
ARAŞDIRMA
203

Sabahın hava proqnozu açıqlanıb

22

Noyabr
13:00
ÖLKƏ
445
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


22-11-2019 22:13



  (+994 55) 786-96-84

  [email protected]

Valyuta.com

Рейтинг@Mail.ru