Aprelin 10-dan başlayaraq İranda zəruri sahələr istisna olmaqla bütün iş yerləri bağlanılacaq.

İRNA xəbər verir ki, bu barədə ölkənin Koronavirusa qarşı mübarizə mərkəzinin mətbuat katibi Əlirza Rəisi bildirib.

Onun sözlərinə görə, iş yerlərinin bağlı saxlanılması 10 gün çəkəcək.

Bundan öncə İranın Səhiyyə nazirinin müavini İrəc Hərirçi bildirmişdi ki, ölkə şəhərlərinin 85 faizi koronavirusun təhlükəsilə bağlı təsnifata görə, “qırmızı” və ya “narıncı” bölgə hesab edilirlər.