ABŞ-ın Minneapolis şəhərində polis zorakılığı nəticəsində ölən qaradərili Corc Floydun  Corcun ölümünə etiraz edən yüzlərlə nümayişçiyə polis müdaxilə edib.

Yerli mediada yayılan xəbərlərə və sosial mediada paylaşılan görüntülərə görə, nümayişçilər Floydun öldüyü yerin yaxınlığındakı 3-cü polis bölməsinin qarşısına toplaşıblar.

Polisin sıx təhlükəsizlik tədbirləri görüb, bölgəyə giriş və çıxışı bağlayıb. Əksəriyyəti qaradərili olan nümayişçilər Floydun ölümünə səbəb olan polisin cinayət məsuliyyətinə cəlb olunmasını tələb ediblər.

Polis aksiya iştirakçılarını dağıtmaq üçün gözyaşardıcı qazdan istifadə edib.

Xatırladaq ki, dünən axşam saatlarında yayımlanan görüntülərdə polisin yerə uzadaraq dizi ilə boynundan basdığ üçün 46 yaşlı Corc Floydun uzun müddət "nəfəs ala bilmirəm" deyə yalvarması öz əksini tapıb. Floyd hadisə yerinə gələn təcili tibbi yardım əməkdaşları tərəfindən aparıldığı xəstəxanada ölüb.

Görüntülər ölkədəki qaradərililərə qarşı polis zorakılığı müzakirələrini yenidən alovlandırıb.