Paytaxtın Binəqədi rayonu, 9-cu mikrorayon, Cavadxan küçəsi 1-də həyat yoldaşını liftdə amansızlıqla qətlə yetirən şəxs saxlanılıb.

Bakı şəhər sakini, 1977-ci il təvəllüdlü Əsgərov Hafiz İsgəndər oğlu həmin küçədəki binanın liftində həyat yoldaşı Əsgərova Könül Nadir qızını 48 bıçaq zərbəsi ilə qətlə yetirərək hadisə yerindən qaçıb, daha sonra polisə gələrək cinayəti etiraf edib. İlkin araşdırma zamanı ağır cinayətin qısqanclıq zəminində törədildiyi məlum olub.

Faktla bağlı Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb.