Rusiya Təhlükəsizlik Şurasının katibi Nikolay Patruşev, Özbəkistan və Belarusiyada Qərbin "rəngli inqilablar" təşkil etmək cəhdlərindən danışıb.

Onun sözlərinə görə, keçmiş SSRİ-nin bəzi dövlətlərində baş verən və Qərb qüvvələri tərəfindən dəstəklənən "partlayış prosesləri"nin əlamətlərinin vaxtında tanınması xüsusi diqqətə layiqdir.

"Gürcüstan, Qırğızıstan və Ukraynadakı hadisələr ərəfəsində ABŞ rəsmi nümayəndəliklərinin, Soros Fondunun və Vaşinqtonun dəstəyi ilə yaradılan və fəaliyyət göstərən geniş yerli QHT şəbəkəsinin həddən artıq gərgin fəaliyyəti ilə yadda qaldı", - deyə Patruşev "Arqumentı i faktı"ya müsahibəsində bildirib.

"Kütləvi təbliğatla həyata keçirilən təzyiqlər milli hökumətlərin dövlət əleyhinə proseslərə qarşı iradəsini iflic etdi", - deyə Təhlükəsizlik Şurasının katibi fikrini izah edib.

"Bununla yanaşı, səlahiyyətlilər tərəfindən müvafiq əks tədbirlərin vaxtında qəbul edilməsi Qərbin dağıdıcı hərəkətlərini zərərsizləşdirə bilər", - deyə Patruşev vurğulayıb.

"2005-ci ildə Özbəkistandakı "rəngli inqilab"ın uğursuz cəhdi buna sübutdur. Rəsmi Daşkənd xarici "dostların" əsl niyyətlərini başa düşdü və dərhal əməkdaşlığın məhdudlaşdırılmasına başladı", - Patruşev əlavə edib:

"Okeanın o tayından gələn əmrlərə və təxirəsalınmaz tövsiyələrə" məhəl qoymamaq Belarus hakimiyyətinə 2006-cı ildə respublikada "inqilabi" hadisələrin inkişafının qarşısını almağa da imkan verdi."