Xəbər Lenti

İnfoqrafika

Arxiv

Yazar

25 Yanvar

2020
13:40
Ombudsman Penitensiar Xidmətin müalicə müəssisəsinə baş çəkib

Azərbaycanın İnsan Hüquqları üzrə Müvəkkili (Ombudsman) Səbinə Əliyeva Ədliyyə Nazirliyi Penitensiar Xidmətinin müalicə müəssisəsinə əvvəlcədən xəbərdarlıq etmədən başçəkmə həyata keçirib.

FaktXəbər bunu Ombudsman Aparatının mətbuat xidmətinə istinadən məlumat verib.

Başçəkmə çərçivəsində Ombudsman müəssisəsinin müalicə korpuslarına və şöbələrinə, palatalara baxış keçirib, xəstələrin vəziyyəti ilə maraqlanıb, onları fərdi dinləyib, saxlanma şəraiti, tibbi yardımın təşkili, dərman təminatı, qidalanma, sovqat, gəzinti, görüş, telefon danışıqları ilə bağlı mövcud vəziyyəti araşdırıb.

Ombudsman tərəfindən başçəkmə zamanı rəftar məsələlərinin araşdırılması ilə bağlı həmin müəssisədə bir çox məhkum təsadüfi seçim əsasında konfidensial qaydada qəbul edilib, saxlanılma şəraiti, müalicə, tibbi yardım, görüş və digər məsələlər öyrənilib, yerində həlli mümkün olan bir çox müraciətlər təmin olunub.

Fərdi qəbul və görüş zamanı qaldırılan məsələlər araşdırılıb, bir sıra təqsirləndirilən şəxslər və məhkumlar barələrindəki istintaq və məhkəmə icraatından şikayətləniblər.

Qəbul edilmiş hər bir şəxsə hüquqi məsləhətlər verilib, Ombudsmana ünvanlanmış müraciətlər qəbul olunub.

Milli Preventiv Qrupunun nümayəndələrinin, o cümlədən ixtisasca həkim üzvünün də iştirak etdiyi başçəkmə çərçivəsində əvvəlki başçəkmələr zamanı verilmiş tövsiyələrin icrası vəziyyəti də araşdırılıb. Müəssisədə effektiv psixoloji və sosial xidmətlərin təşkilinə ehtiyac var.

Yekunda Müvəkkil tərəfindən müəssisə rəhbərliyi, həkim personalı və məsul əməkdaşlarla hüquqi maarifləndirici söhbətlər aparılıb, milli və beynəlxalq qanunvericiliyə, o cümlədən Avropa Penitensiar Qaydalarına müvafiq şəkildə tibbi xidmətin əlçatanlığının effektiv təmininə nəzarətin gücləndirilməsi, müəssisəyə qəbul məsələləri ilə bağlı müraciətlərdə yer alan çətinliklərin aradan qaldırılması və saxlanma şəraitinin təkmilləşdirilməsi ilə əlaqədar müvafiq tövsiyələr verilib.

Məqalədə : Ombudsman Səbinə Əliyeva 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

İstirahət günlərinin hava proqnozu

28

Fevral
17:41
ÖLKƏ
282

Iranda daha 4 deputat koronavirusa yoluxub

28

Fevral
16:27
DÜNYA
302

Sabaha olan hava proqnozu açıqlanıb

28

Fevral
16:13
ÖLKƏ
337

Maştağada quş kəsimi sexi bağlanıb

28

Fevral
15:57
ÖLKƏ
328

Kirayə mənzillərə qeydiyyat başladı

28

Fevral
14:30
ÖLKƏ
360
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


28-02-2020 23:18



  (+994 55) 786-96-84

  [email protected]

Valyuta.com

Рейтинг@Mail.ru