Kreml ABŞ-ın Rusiyaya qarşı yeni sanksiyalarına dair təkliflərin həyata keçirilməyəcəyini gözləyir. Bunu Rusiya liderinin mətbuat katibi Dmitri Peskov ABŞ-dakı respublikaçıların "ən sərt sanksiyalar" tətbiq etmək fikrini şərh edərkən deyib.

"Ümumiyyətlə, bu cür məhdudiyyətləri beynəlxalq hüquq baxımından qanunsuz hesab edirik və təbii ki, bəzi insanların ümumi Amerika siyasətində verməyə çalışdıqları yeni impulslardan təəssüflənə bilərik", - Kreml nümayəndəsi bildirib.

Peskov vurğulayıb ki, belə bir təklif ikitərəfli münasibətlərin "normallaşmasına heç bir töhfə vermir".

"Ümid edirik ki, bu planlar bəyanat səviyyəsində qalacaq, heç bir şəkildə reallaşmayacaq", - Peskov əlavə edib.

O qeyd etdi ki, ABŞ-da seçki kampaniyası ənənəvi olaraq Rusiya və ikitərəfli münasibətlər "Amerika siyasətçiləri üçün müqəddəs bir qurban olur. Onlar seçki işlərində müəyyən uğur qazanmaq istəyirlərsə, bunu etməyi vəzifə bilirlər."

Bundan əvvəl Konqresdəki Nümayəndələr Palatasının Respublikaçı üzvləri "Rusiyaya qarşı ən sərt sanksiyaların" tətbiq olunmasını təklif etmişdilər.

Federasiya Şurası sanksiyalar təklifini ehtiva edən sənədi şərh edərək, bunun daha çox daxili auditoriya üçün nəzərdə tutulduğunu və ABŞ prezidenti Donald Trampa təzyiq göstərmək cəhdi olduğunu açıqlayıb.