Birinci qan qrupu olan insanlarSARS-CoV-2 koronavirusu ilə yoluxmağa ən az həssasdırlar. Bu barədə gen analizlərinin aparılması ilə məşğul olan "23andMe" kompaniyasının amerikalı alimləri açıqlama verib. Mütəxəssislərin araşdırmalarının nəticələri şirkətin saytında dərc olunub.

Mütəxəssislər 10 mini koronavirusa yoluxmuş 750 min müştərinin məlumatlarını təhlil edib. Cinsiyyət, bədən çəkisi və yaşa görə tənzimləndikdən sonra tədqiqatçılar birinci qan qrupu olan insanların koronavirusa yoluxma ehtimalının 9-18% az olduğunu müəyyənləşdiriblər.

Beləliklə, yoluxmuşların ümumi sayının yalnız 1,3%-i birinci qan qrupuna aiddir. İkinci qrup arasında yoluxmalar 1,4%, üçüncü və dördüncü qan qruplarının sahibləri arasında yoluxma isə təxminən 1.5  faizdir.

Bundan əlavə, mütəxəssislər tibb işçiləri və xəstələnmə riski ən yüksək olan digər kateqoriyalar arasında koronavirus infeksiyası hallarını təhlil ediblər. Məlum olub ki, koronavirus birinci qan qrupu olan insanların 3,2%-də, ikinci qan qrupunda 3,9%, üçüncü qan qurupunda 4%, dördüncü qan qrupunda isə 4,1 faizində aşkarlanıb.

Beləliklə, birinci qan qrupu olan insanlar 13-26% daha az xəstələnirlər.

Belə bir qoruyucu mexanizm həm müsbət, həm də mənfi Rh faktoru üçün xarakterikdir. Mütəxəssislər ABO genini infeksiya riskinin azalmasının səbəbi adlandırıblar.

İyunun 3-də Avropadan gələn həkimlər və molekulyar bioloqlar ikinci qan qrupunun COVID-19-a meylliliyini izah ediblər. Onların sözlərinə görə, tədqiqatlar birinci qan qrupunun daşıyıcılarının ikincisindən daha az koronavirusa yoluxma ehtimalının olduğunu təsdiqləyib. Bu, mutasiyaların səbəb olduğu qan laxtalanmasının artması ilə əlaqəli ola bilər.