Çeçenistan prezidenti Ramzan Kadırov Rusiya prezidenti Vladimir Putini təhqir etmiş qalmaqallı gürcü jurnalist Georgi Qabuniya qarşı sui-qəsd təşkil etməsi barədə iddiaları təkzib edib.

"Bəziləri, insanların əsl problemləri barədə düşünmək əvəzinə, axmaq ifadələr işlədən insanlar tərəfindən idarə olunur. Cənablar, inanın, kimsə mənim göstərişlərimə əməl edərsə, onu dəqiq yerinə yetirəcəkdir", - deyə Çeçenistan rəhbəri "Telegram"da yazıb.

O vurğulayıb ki, "tapşırıq səssiz şəkildə yerinə yetirilməlidirsə, heç kim, hətta daha da dərin durğunluq içində olan ölkəniz bu barədə bilməyəcəklər."

Eyni zamanda Kadırov Rusiyada Qabunyanın sözlərinin unudulmadığını vurğulayıb.

"O, dövlətimizi, xalqımızı və buna görə şəxsən məni təhqir edib", - deyə Çeçenistan rəhbəri bildirib.

Ramzan Kadırov gürcü jurnalistini bir daha diz çökməyə və bağışlanma istəməyə çağırıb.

Bundan əvvəl, Gürcüstan Dövlət Təhlükəsizlik Xidməti Rusiya vətəndaşının saxta sənədlər hazırladığı və istifadə etdiyinə görə tutulduğunu açıqlayıb. Bundan əlavə, həbs, qətl hazırlığı faktının istintaqı çərçivəsində aparılan xüsusi əməliyyat zamanı baş verib.

Belə bir açıqlamanı Təhlükəsizlik Xidməti müxalif "Mtavari Arçi" televiziya şirkətinin baş direktoru Nika Qvaramiya, tutulan şəxsin Rusiya vətəndaşı olduğunu və Qabuniyanı öldürməyi planladığını söyləməsindən sonra verib.

O, cəhdin Kadırovun sifarişi ilə hazırlandığını da söyləyib.