Rusiyanın Liberal-Demokrat Partiyasının sədri Vladimir Jirinovski öz Tvitter səhifəsində yazıb: "Süveyş kanalının dəfələrlə bağlanması onun etibarsızlığını sübut edir".

Bu barədə "RİA Novosti" xəbər verir.

"İranla Fars körfəzdən Xəzər dənizinə bir kanal çəkmək daha yaxşıdır ki, mallar gəmilərlə Fars körfəzindən Rusiyanın Həştərxan limanına daşınsın və daha sonra dəmir yolu ilə Avropaya göndərilsin", - deyə Jirinovski əlavə edib.

Süveyş Kanalı keçən çərşənbə günü bir yük gəmisinin marşrutdan çıxması nəticəsində bağlanmışdı.

Gəminin qəzaya uğramasına güclü küləyin səbəb olduğu deyilir.

"EuroNews"un məlumatına görə, bu 200 tonluq gəminin saya oturması bir neçə ticarət gəmisinin hərəkətini dayandırıb və ümumilikdə qlobal dəniz nəqliyyatı şəbəkəsinə mənfi təsir edib.

Qəzadan sonra dəniz nəqliyyatının pozulması onlarla tankerin və nəhəng konteyner gəmisinin azad sularda hərəkətini dayandırıb.

Aralıq dənizi ilə Qırmız dənizi birləşdirən Süveyş kanalının 163 kilometr uzunluğu var.

Dünyada dəniz ticarətinin 10-12 faizi bu kanal vasitəsilə həyata keçirilir. Bu kanaldan gündəlik Afrikadan Asiyaya və əksinə hərəkət edən onlarla gəmi istifadə edir.