Çinin XİN rəhbəri Van İ Böyük Britaniyalı həmkarı Dominik Raab ilə telefon danışığın zamanı Londonun Honq Konq işlərinə qarışmayacağına ümid etdiyini söyləyib.

İngiltərədən daha əvvəl bildirilib ki, ÇXR orqanlarının Honq Konq üçün milli təhlükəsizlik qanunu hazırlamaq qərarı, İngiltərə və Çinin imzaladığı bölgənin muxtariyyət elanının müddəalarına ziddir. İngiltərə Baş naziri Boris Conson bildirib ki, Çin Honq Konqun milli təhlükəsizlik qanununu tətbiq edərsə, London Honq Konq üçün viza qaydalarını dəyişdirməyə hazırdır. İngiltərə baş nazirinin fikrincə, bu qanun layihəsi ciddi şəkildə "azadlığı məhdudlaşdıracaq və muxtariyyəti ciddi şəkildə zəiflədir".

Van İ telefon danışığı zamanı, "Honq Konq yalnız Çinin daxili siyasətinə aiddir və kənar müdaxilələrə ehtiyac yoxdur", - deyə bildirib.

O, Böyük Britaniyanın BMT Təhlükəsizlik Şurasının daimi üzvü olduğunu və beynəlxalq münasibətlər prinsiplərinə hörmət etməli olduğunu və digər ölkələrin daxili işlərinə qarışmamaq üçün nümunə olacağını vurğulayıb.

Nazir xatırladıb ki, Çin heç vaxt Böyük Britaniyanın daxili işlərinə qarışmayıb.