Həmas Siyasi Birliyinin başçısı İsmail Haniyyə dövlət başçıları, partiya başçıları, siyasi quruluşların rəhbərləri və İslam coğrafiyasındakı böyük təşkilatların rəsmiləri də daxil olmaqla 120 fərqli yerə mesaj göndərib.

O, İsrailin işğalı bitənə qədər Fələstin xalqının hüquqlarını, torpaqlarını, taleyini, tarixini və İslam kimliyini qorumaq üçün bütün səyləri birləşdirmək istəyən dövlət başçılarına və təşkilat rəhbərlərinə göndərdiyi mesajda, sionist rejimin Fələstinin Qərb sahili bölgələrini rəsmi olaraq ilhaq etmək planına qarşı təcili fəaliyyət planı qurmağa çağırıb.

Eyni zamanda, İsrailin Fələstin xalqına qarşı törətdiyi qeyri-insani cinayətlərin və beynəlxalq qanunların rejim tərəfindən açıq şəkildə pozulmasının qarşısını almağa çalışan Haniyyə, Məscidi Əqsanı yəhudiləşmə və ayrılmaq təhlükəsindən qorumaq üçün Fələstin xalqının müqavimət mübarizəsinin dəstəklənməsini istəyib.

ABŞ rəhbərliyinin sonsuz dəstəyini alaraq Fələstin mübarizəsini məhv etməyi hədəfləyən İsrailin işğalçılıq siyasətinin dayanmadan davam etdiyinə işarə vuran Haniyyə, vaxt itirmədən, İslam dünyası üçün Qüds, Qərb Sahili və İordan vadisinin ilhaq planının qarşısını almaq üçün toplanması lazım olduğunu bildirib.