"Əl-Meyadin" xəbər kanalına verdiyi müsahibədə Həmasın yüksək vəzifəli rəsmisi Mahmud əl-Zəhhar, "Vətənimizi satacaq biri deyilik. Biz rüşvət qəbul etmirik və satılmayan prinsiplərimiz var", - deyə bildirib.

"Torpaqlarımızı heç bir pulla dəyişdirmirik. Biz bu ölkənin sahibiyik. Hheç vaxt ABŞ-ı vasitəçi və ya müzakirəçi olaraq tanımamışıq və bundan imtinaya davam edirik", - deyən Mahmud əl-Zəhhar, Fələstin Azadlıq Təşkilatının amerikalıların yalnız sionistlərə sadiq olduğunu başa düşdüyünü söyləyib.

Zəhhar belə davam edib: "Amerikalılar, onların təkliflərini qəbul edə biləcəyimizi düşünürlər. Bütün dünyanı bizə təklif etsələr də, Fələstindən əsla imtina etməyəcəyik. Heç bir hüquqdan imtina etmədən bütün Fələstini bütün Fələstin xalqı üçün istəyirik."

Əl-Zəhhar BƏƏ təyyarəsinin Təl-Əvivdəki Ben Qurion hava limanına Fələstin Azadlıq Təşkilatına humanitar yardım çatdırmaq bəhanəsi ilə enməsinə toxunaraq, "bu təyyarənin enişi İsrail rejimi ilə münasibətlərin normallaşmasının başlanğıcını əks etdirir", söyləyib.