İordan çayının qərb sahilində böyük ərazilərin mənimsənilməsi və zəbt edilməsilə əlaqədar fələstinlir hər il olduğu kimi bu ildə də “Torpaq günü”nü qeyd edirlər.

Fələstin Media Mərkəzinin saytı xəbər verir ki, bu gün İordan çayının qərb sahilində və Qəzzada “Torpaq günü" qeyd edilib.

Fəth və HƏMAS hərəkatları hər ikisi bəyanat yayaraq, “işğalda olan ərazilərin azad edilməsi və qaytarılması üçün mübarizənin davam etidirləcəyini və son qarışa qədər torpağın təcavüz altında qalmayacağını bildiriblər.”

Qeyd edək ki, “Torpaq günü” ilk dəfə 1976-cı ilin martında işğalda olan İordan çayının qərb sahilində böyük ərazilərdə yəhudi yaşayış massivlərinin tikilməsinə start verilməsindən sonra keçirilməyə başlanılıb.

Fələstinin Statistika Mərkəzinin məlumatına görə hazırda tarixi Fələstin torpaqlarının təqribən 85 faizi İsrailin nəzarətindədir. Qeyd edək ki, İordan çayının qərb sahili də 1967-ci ildə İsrailin nəzarətinə keçib.