Xəbər Lenti

İnfoqrafika

Arxiv

Yazar

05 Oktyabr

2018
11:32
Bal yarmarkasında sahibkarlardan 200 AZN yığılır - SƏBƏB - FOTO

Xəbər verdiyimiz kimi Kənd Təsərrüfatı Nazirliyi 5-28 oktyabr paytaxt Bakıda ənənəvi arıçılıq məhsullarının növbəti respublika sərgi-satış yarmarkasını təşkil edəcək. 

Bu gün bal yarmarkasının açılış günü keçirilməli idi. 

Faktxeber.com olaraq yarmarkanın keçiriləcəyi ünvana – Tofiq Bəhramov stadionunun qarşısına yollansaq da, ərazidə yararsız hala salınmış çadırları gördük. Amma buna baxmayaraq əməkdaşımız respublikanın müxtəlif yerlərindən Bakıya gəlmiş arıçılarla söhbət edib. Sahibkarlar bildiriblər ki, uzaq yol qət edərək paytaxta gəlsələr də, mövcud durumla qarşılaşmaları onları çətin vəziyyətə salıb. Çünki çoxlarının şəhərdə gecələməyə yerləri yoxdur. Bir neçə gün Bakıda qalmaq isə onlara maddi baxımdan sərf etmir. 

Arıçıların digər gileyi onlardan yığılan pul məbləğiylə bağlıdır. Astara və Qusar rayonundan yarmarkaya iştirak etməyə gələn arıçılar yarmarkada iştirak etmək üçün onlardan 200 AZN yığıldığını bildirdilər. 

Sözügedən narazılıqla bağlı Kənd Təsərrüfatı Nazirliyinin İctimaiyyətlə əlaqələr və informasiya təminatı şobəsinin müdiri Anar Hüseynovla əlaqə saxladıq. Nazirlik rəsmisi bildirdi ki, bal yarmarkasında sahibkarlardan 200 AZN məbləğində vəsaitin yığılması doğrudur: “Hər bir sahibkar yarmarka keçirilən ünvana xidmət haqqı ödəyir. Bu ödəniş hər il olur. Yarmarkanın qurulması, yerin icarə haqqı, çadır xidmətləri, təhlükəsizlik tədbirləriylə bağlı balçılar müəyyən məbləğdə vəsait ödəməli olurlar”.

Xatırladaq ki, hava şəraiti ilə bağlı təxirə salınan bal yarmarkası qarşıdan gələn həftənin birinci günündən fəaliyyətə başlayacaq. / Şəhriyar Səmədov

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : Bal yarmarkası sahibkarlar 
Şərhlər
Vetendash tərəfindən 05-10-2018 12:05:01 tarixində yazıldı
BAL YARMARKASI
Cox sagolun melumat verdiz ! :-) Allah razi olsun
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-12-2018 07:16



  (+994 55) 786-96-84

  [email protected]

Valyuta.com