İraqın paytaxtı Bağdadın əl-Kəradə bölgəsində güclü partlayış baş verib.

İraq KİV-in məlumatına görə, partlayış Bağdadın ətrafındakı binalarda da hiss olunub. Hadisə nəticəsində itkilər və ya xəsarət alanlar barədə hələlik heç bir məlumat verilmir.  

Qeyd edək ki, Bağdadda son iki ayda bir neçə güclü partlayış baş verib.

Partlayış elə bir halda baş verib ki, Bağdadda Misir ,İordaniya və İraq rəsmilərinin toplantısı ərəfəsində çox sərt təhlükəsizlik tədbirləri həyata keçirilir.