Xəbər Lenti

İnfoqrafika

Arxiv

Yazar

31 Mart

2021
14:39
Azərbaycanın meqalayihəsi hesab olunan “Xəzər adaları” ilə bağlı RƏSMİ AÇIQLAMA

“Xəzər adaları” “Azərbaycan Sənaye Korporasiyası” ASC-nin balansına keçdikdən sonra layihənin gələcək fəaliyyət istiqaməti və tələb olunan investisiyaların araşdırılmasına başlanılıb.

Bu barədə Oxu.Az-ın sorğusuna cavab olaraq ASC-dən məlumat verilib.

Məlumatda bildirilib ki, bununla yanaşı özəl investorların layihəyə cəlb olunması məqsədilə bir sıra xarici investorlarla danışıqlara başlanılıb və müzakirələr aparılıb.

“Layihə haqqında müəyyən məlumatlar investorlara təqdim olunub, lakin mövcud pandemiya şəraiti işlərin gedişatına müəyyən mənfi təsir göstərib. Belə ki, investorların Azərbaycana gələrək əraziyə yerində baxış keçirməsində pandemiya səbəbi ilə əlaqədar müyyən çətinliklər yaranıb”.

Qeyd edilib ki, bu problemlər aradan qaldırıldıqdan sonra investorlarla danışıqlar davam etdiriləcək və görüşlər təşkil edilərək, əraziyə baxış keçiriləcək.

Əlavə olaraq bildirilib ki, “Azərbaycan Sənaye Korporasiyası” Açıq Səhmdar Cəmiyyətinin yaradılması və fəaliyyətinin təmin edilməsi ilə bağlı ardıcıl tədbirlərin davamı kimi, Təhvil-Təslim Komissiyasının 10 aprel 2019-cu il tarixli 21 saylı qərarı ilə “Avesta Konserni” MMC-yə məxsus olmuş, Bakı şəhəri, Qaradağ rayonu, Sahil qəsəbəsinin şimal-şərq hissəsində 500 hektar torpaq sahəsinin istifadə hüququ və onun üzərində yerləşən inşası başa çatmamış tikililər (“Yeni şəhər” kompleksi) “Azərbaycan Sənaye Korporasiyası” ASC-nin balansına verilib.

Xatırladaq ki, “Xəzər adaları” hazırda tikintisi ləğv edilib, Bakıdan 25 km cənubda yerləşən, 41 adadan ibarət və 3 min hektar sahəni əhatə edəcək süni arxipelaq şəhəri kimi nəzərdə tutulub.

Layihə “Avesta” şirkətinin təşəbbüsü nəticəsində ortaya qoyulub. Dəyəri 100 milyard dolları təşkil edirdi. Burada 1 milyon nəfərin yaşaması üçün şəhər salınması planlaşdırılırdı. Eləcə də 150 məktəb, 50 xəstəxana, bir neçə park, ticarət mərkəzləri, mədəniyyət mərkəzləri, institut kampusları, Formula-1 trası və “Azerbaijan Tower”ın (Azərbaycan qülləsi‎) tikilməsi nəzərdə tutulurdu. Layihənin 2020-2025-ci illərdə başa çatması gözlənilirdi.

Məqalədə : Xəzər adaları 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Ramazan ayının 1-ci gününün duası - AUDİO

13

Aprel
20:00
MƏNƏVİYYAT
160

Ramazan ayının 4 adı

13

Aprel
18:00
MƏNƏVİYYAT
165

Robert Koçaryan koronavirusa yoluxub

13

Aprel
15:54
DÜNYA
196

Bitkoin qiyməti rekordlar qırır

13

Aprel
15:27
BÖLMƏNİ DÜZ SEÇ!
266

RAMAZAN yağışında islana biləcəyikmi?

13

Aprel
15:10
MƏNƏVİYYAT
205

Sabah hava küləkli olacaq

13

Aprel
14:18
ÖLKƏ
248

Zərif Lavrova təşəkkür etdi

13

Aprel
12:16
DÜNYA
440

Azərbaycan nefti bahalaşıb

13

Aprel
10:29
İQTİSADİYYAT
370
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


13-04-2021 23:33





  [email protected]

Valyuta.com

Рейтинг@Mail.ru