Xəbər Lenti

İnfoqrafika

Arxiv

Yazar

09 İyul

2021
14:07
Azad olunmuş ərazilərin inkişafı ölkənin inkişaf səviyyəsi ilə uyğunlaşdırılacaq

"Cənab Prezident Azərbaycanda iqtisadi rayonların yeni bölgüsü haqqında fərman imzalayıb. Bu fərmana əsasən, ölkəmizin ərazisi 14 iqtisadi rayona bölünüb. Ən vacibi odur ki, işğaldan azad olunmuş ərazilərimiz də iki iqtisadi rayonda əks olunub. Yəni Şərqi Zəngəzur və Qarabağ iqtisadi rayonları yaradılıb".

Bunu açıqlamsında Milli Məclisin üzvü, deputat Azər Badamov bildirib.

O düşünür ki, Şərqi Zəngəzur və Qarabağ iqtisadi rayonlarının yaradılmasının tarixi, siyasi və iqtisadi əhəmiyyəti var: “Çünki Zəngəzur ifadəsi çoxdan rəsmi olaraq Azərbaycan gündəmində yox idi. Cənab Prezidentin imzaladığı bu fərmanla rəsmi şəkildə Şərqi Zəngəzur yenidən gündəmə qayıdır və aktuallaşır”.

Deputatın sözlərinə görə, bunu digər tərəfdən tarixi ədalətsizliyə son qoyulması kimi də başa düşmək olar: “Çünki 1921-ci ildə, yəni 100 il bundan əvvəl Rusiya Kommunist Partiyasının Qafqaz Burosu tərəfindən plenumun bir protokolu qəbul edilib, 1924-cü ildə isə Azərbaycan ərazisini süni şəkildə bölərək ədalətsiz qərarın icrasını həyata keçirib və Dağlıq Qarabağ Muxtar Vilayəti yaradılıb. Prezidentin imzaladığı bu fərmanda o tarixi ədalətsizliyin bərpası özündə əks olunur. Köhnədən yaradılmış Dağlıq Qarabağ Muxtar Vilayəti inzibati ərazisi gündəmdən çıxır və təbii ki, Dağlıq Qarabağ ifadəsi 10 noyabrda imzalanmış üçtərəfli bəyanatla, ordumuzun döyüş meydanında əldə etdiyi qələbəsi ilə gündəmdən çxııb. Ancaq ölkə başçısının imzaladığı bu fərmanla isə rəsmi olaraq bu məsələyə son qoyulur və Azərbaycanın ərazi bütövlüyü bir daha bəyan edilmiş olur”.

A.Badamov deyir ki, siyasi əhəmiyyəti isə təbii, Azərbaycan ərazisində yaşayan bütün vətəndaşların, milli mənsubiyyətindən asılı olmayaraq bütün insanların Azərbaycan qanunlarına tabe olmalıdır və Azərbaycanın Konstitusiyasına uyğun öz vətəndaşlıqlarını alaraq yaşayışını qurmalıdırlar: “O cümlədən, Qarabağ iqtisadi rayonuna daxil olmuş Xankəndi, Xocalı və Xocavənd rayonlarının erməni əsilli sakinləri də artıq başa düşməlidirlər ki, köhnə arzular, ideyalar artıq tarixdə qalıb. Artıq yeni reallıqlar ortaya gəlib və bu işin sürətlənməsinə öz təsirini göstərəcək”.

İqtisadi əhəmiyyətinə toxunan A. Badamov bildirib ki, işğaıdan azad olunmuş ərazilərin çox böyük iqtisadi potensialı var: “Bu potensialdan səmərəli istifadə edilməsi üçün iqtisadi rayonlara bölünməsi böyük əhəmiyyət daşıyır. Hər bir iqtisadi rayonun potensialını ayrıca üzə çıxarmaq, çevik şəkildə təhlil etmək və ondan istifadə etmək və işin daha da sürətli və səmərəli təşkil edilməsi üçün bu fərmanın əhəmiyyəti böyükdür. Bilirik ki, bu ərazilərin böyük potensialı mövcuddur. Bu turizm potensialının hər bir iqtisadi rayon üzrə ayrıca araşdırılaraq və turizm infrastrukturu yaradılaraq turistlərin həmin ərazilərə cəlb edilməsi üçün böyük əhəmiyyət daşıyacaq”.

Deputat qeyd edib ki, 2004-cü ildən başlayaraq, Prezidentin rəhbərliyi altında ölkəmizdə regionların sosial-iqtisadi inkişafı Dövlət Proqramları həyata keçirilir: “Artıq sayca 3 proqram icra olunub və hazırda dördüncü proqramın icrasındayıq. Bu proqramların icrası ölkəmizin tarazlı inkişafına və regionlarla mərkəz arasında fərqin qalxmasına gətirib çıxarıb. Amma işğaldan azad olunmuş ərazilərimiz isə uzun illər işğal altında olduğuna görə bu proqramların icrasından kənarda qalıb. Düşünürəm ki, yaradılmış Şərqi Zəngəzur və Qarabağ iqtisadi rayonları üçün fərdi şəkildə proqram qəbul olunacaq yeni dövlət proqramları ərsəyə gələcək və bu proqramların icrası ilə işğaldan azad olunmuş ərazilərimizin inkişaf səviyyəsi respublikamızın ümumi inkişaf səviyyəsi ilə uyğunlaşdırılacaq".

Xatırladaq ki, iyulun 7-də Prezident İlham Əliyev "İqtisadi rayonların yeni bölgüsü haqqında" fərman imzalayıb. Fərmanla iqtisadi rayonlarının aşağıdakı bölgüsü təsdiq edilib:

1.1.Bakı iqtisadi rayonu (Bakı şəhəri);

1.2.Naxçıvan iqtisadi rayonu (Naxçıvan şəhəri, Babək, Culfa, Kəngərli, Ordubad, Sədərək, Şahbuz və Şərur rayonları);

1.3.Abşeron–Xızı iqtisadi rayonu (Sumqayıt şəhəri, Abşeron və Xızı rayonları);

1.4.Dağlıq Şirvan iqtisadi rayonu (Ağsu, İsmayıllı, Qobustan və Şamaxı rayonları);

1.5.Gəncə–Daşkəsən iqtisadi rayonu (Gəncə və Naftalan şəhərləri, Daşkəsən, Goranboy, Göygöl və Samux rayonları);

1.6.Qarabağ iqtisadi rayonu (Xankəndi şəhəri, Ağcabədi, Ağdam, Bərdə, Füzuli, Xocalı, Xocavənd, Şuşa və Tərtər rayonları);

1.7.Qazax–Tovuz iqtisadi rayonu (Ağstafa, Gədəbəy, Qazax, Şəmkir və Tovuz rayonları);

1.8.Quba–Xaçmaz iqtisadi rayonu (Xaçmaz, Quba, Qusar, Siyəzən və Şabran rayonları);

1.9.Lənkəran–Astara iqtisadi rayonu (Astara, Cəlilabad, Lerik, Lənkəran, Masallı və Yardımlı rayonları);

1.10.Mərkəzi Aran iqtisadi rayonu (Mingəçevir şəhəri, Ağdaş, Göyçay, Kürdəmir, Ucar, Yevlax və Zərdab rayonları);

1.11.Mil–Muğan iqtisadi rayonu (Beyləqan, İmişli, Saatlı və Sabirabad rayonları);

1.12.Şəki–Zaqatala iqtisadi rayonu (Balakən, Qax, Qəbələ, Oğuz, Şəki və Zaqatala rayonları);

1.13.Şərqi Zəngəzur iqtisadi rayonu (Cəbrayıl, Kəlbəcər, Qubadlı, Laçın və Zəngilan rayonları);

1.14.Şirvan–Salyan iqtisadi rayonu (Şirvan şəhəri, Biləsuvar, Hacıqabul, Neftçala və Salyan rayonları).

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Kəlbəcərdə atışma DAVAM EDİR

23

İyul
22:25
HƏRB
422

Sabaha olan hava proqnozu açıqlanıb

23

İyul
16:12
ÖLKƏ
413

Oyundan kənar qalan qüvvələr - TƏHLİL

23

İyul
15:48
MÜNASİBƏT
807

"Azərmarka" "Azərpoçt"a birləşdirilir

23

İyul
15:32
İQTİSADİYYAT
431

İranda qatar relsdən çıxaraq aşıb

23

İyul
14:47
DÜNYA
458

Tanınmış telejurnalist həkimi məhkəməyə verdi

23

İyul
14:34
HÜQUQ,HADİSƏ
443

Azərbaycan neftinin qiyməti 73 dolları keçib

23

İyul
14:17
İQTİSADİYYAT
410

Azərbaycan Rusiyadan 100 dəmiryol vaqonu alıb

23

İyul
11:45
İQTİSADİYYAT
628
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


25-07-2021 16:51





  [email protected]

Valyuta.com

Рейтинг@Mail.ru